Jaitz
|
Jaitz |
||
|---|---|---|
 Nafarroa |
||
|
||
| Izen ofiziala | Salinas de Oro <> Jaitz[1] | |
| Estatua Erkidegoa Merindadea Eskualdea |
Espainia Nafarroako Foru Erkidegoa Lizarrako merindadea Gesalatz |
|
| Alkatea | Fernando Olite Munarritz (Zanzaleta) |
|
| Herritarra | jaiztar[2] | |
| Koordenatuak | 42°46′30″N 1°53′22″W / 42.775°N 1.88944°WKoordenatuak: 42°46′30″N 1°53′22″W / 42.775°N 1.88944°W | |
| Eremua | 13,90 km2 | |
| Garaiera | 674 m | |
| Distantzia | 27 km Iruñera | |
| Posta kodea | 31175 |
|
| Biztanleria | 115 bizt (2009) | |
| Dentsitatea | 8,27 bizt/km² | |
| [www.salinasdeoro.es www.salinasdeoro.es] | ||
|
||
Jaitz[1] Nafarroako udalerria da. Lizarrako merindadeko Gesalatz Ibarrean kokaturik dago,[2] Nafarroako hiriburutik 27 kilometrora, eta, 2009ko urtarrilaren 1eko erroldan, 115 biztanle zituen.
Eduki-taula |
[aldatu] Inguru naturala eta kokalekua
Jaitz Lizarrako merindadearen ipar-ekialdean kokatzen da, Iruñerriko gune metropolitarretik gertu. Herrira heltzeko N-120 errepidea hartu behar da Lizarra-Abartzuzako norabidean, eta horren ondoren, NA-7000 jarraitu behar da hamabost kilometroan zehar.
Herriak Goñerrirekin egiten du muga iparraldean, Bidaurretarekin ekialdean, Gesalatzeko ibarrarekin mendebaldean, eta Girgillaorekin hegoaldean.
[aldatu] Klima eta landaredia
Jaitzen bi klima bereizten dira, udalerriaren mendebaldean eta iparraldean klima azpimediterraneoa, eta ekialdean eta hegoaldean klima mediterraneoa. Urteko batez besteko tenperatura 10 eta 12 gradu artekoa eta prezipitazioak 800 eta 1.400mm bitartekoak dira. Prezipitaziorik ugarienak udalerriaren iparraldeko gune menditsuan izaten dira. Urteroko egun euritsuak, bestalde, 120 inguru izaten dira.
Herrian 289 hektarea arte geratzen dira oraindik ere (antzina herri gehiena arteek estaltzen zutela uste da), horrez gain, hariztiren eta ameztiren bat dago herrigunearen inguruko basoetan.
[aldatu] Ondarea
San Mikel elizak eskulturaz osaturiko errataula erromanista dauka barruan. Horrez gain, Kristo Santuaren inguruko erretaula txikiagoak nabarmentzen dira parrokiaren barrualdean.
Salbador, San Pedro eta San Jeronimo baselizak Jaizko herrigunean daude, San Jeronimo baselizan aipagarri da, barruan dagoen erretaula barrokoa.
[aldatu] Demografia
| 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 |
|---|---|---|---|---|---|---|---|---|---|---|---|---|
| 513 | 512 | 488 | 483 | 395 | 382 | 346 | 273 | 155 | 117 | 103 | 105 | 115 |
2008ko erroldaren arabera, bi etorkin bizi ziren herrian, biztanleriaren %1,75 (Nafarroako batezbestekoaren azpitik).
[aldatu] Politika
[aldatu] Udaletxea
Udaletxea erabat eraberritu zen 1981. eta 1982. urteen artean, eta eraikinaren ezaugarriak inguruko eraikinetakoen antzekoak dira. Harrizko egiturak bi solairu dauzka. Jaizko udalak alkatea eta lau zinegotzi dauzka. Jaizko idazkaria Goñerriko, Abartzuzako eta Deierriko idazkari ere bada.
- HELBIDEA: Frontoi Plaza, z/g
[aldatu] Udal hauteskundeak
2007an ez zen udal hauteskunderik izan Jaitzen, ez zelako inongo talderik aurkeztu[3]. Horren ondorioz 2008ko urtarrilaren 14]]an José Luis Anotzibar Iltzarbe izendatu zuten alkate, kudeaketa batzordearen izenean.
2011ko udal hauteskundeetan zerrenda bakarra aurkeztu zen, Agrupación Independiente Zanzaleta (AIZ). Fernando Olite alkate bihurtu zen.
[aldatu] Alkateak
| 1979-1983 | ||
| 1983-1987 | ||
| 1987-1991 | ||
| 1991-1995 | ||
| 1995-1999 | ||
| 1999-2003 | ||
| 2003-2007 | ||
| 2007-2018 | ||
| 2008-2011 | José Luis Anotzibar Iltzarbe | Kudeaketa batzordea |
| 2011-2015 | Fernando Olite Munarritz | Zanzaleta |
[aldatu] Euskara
Nafarroako gobernuak onartutako Euskararen Foru Legearen arabera, Jaitz eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %4,81ek zekien euskaraz hitz egiten.
2009ko urtarriletik, Jaitz udalerriaren izen ofiziala Salinas de Oro <> Jaitz da.[4]
[aldatu] Zerbitzuak
Garesen egoitza nagusia duen "Izarbeibarko Mankomunitatea" zaborra bildu, ura hornitu eta bestelako zerbitzuez arduratzen da Jaitz eta eskualdeko beste hainbat herritan.
[aldatu] Erreferentziak
- ↑ Nafarroako Gobernuak 2009ko urtarrilaren 19an emandako dekretua.
- ↑ Euskaltzaindia: 150. araua: Nafarroako udal izendegia.
[aldatu] Ikus, gainera
[aldatu] Kanpo loturak
- (Euskaraz) Jaizko udalaren webgunea.
- (Euskaraz) Jaizko argazkiak lasonet.com webgunean.
- (Gaztelaniaz) Jaitzi buruzko informazioa Nafarroako gobernuaren webgunean.
- Herriaren ikuspegia Google Street View-n.
.svg)
Aipuaren errorea: <ref> etiketak badaude, baina ez da <references/> etiketarik aurkitu; $2
