Cabredo
|
Cabredo |
||
|---|---|---|
 Nafarroa |
||
|
||
| Izen ofiziala | Cabredo | |
| Estatua Erkidegoa Merindadea Eskualdea |
Espainia Nafarroako Foru Erkidegoa Lizarrako merindadea Vianaldea |
|
| Alkatea | Aránzazu Fernández Cayetano (La Antanilla) |
|
| Herritarra | cabredoar | |
| Koordenatuak | 42°38′1″N 2°24′3″W / 42.63361°N 2.40083°WKoordenatuak: 42°38′1″N 2°24′3″W / 42.63361°N 2.40083°W | |
|
|
||
| Eremua | 11,93 km2 | |
| Distantzia | 82 km Iruñera | |
| Posta kodea | 31227 |
|
| Biztanleria | 103 bizt (2009) | |
| Dentsitatea | 8,63 bizt/km² | |
| www.cabredo.org http://www.cabredo.org www.cabredo.org | ||
Cabredo Nafarroako udalerria da. Lizarrako merindadeko herri honek 103 biztanle zituen 2009ko urtarrilaren 1eko erroldaren arabera. Nafarroako hiriburutik 82 kilometrora dago.
Eduki-taula |
[aldatu] Izena
Euskaltzaindiak 1979an argitaratutako herri izendegian, Kabredo eta Ahuntzegi proposatu ziren herriaren euskal izentzat. Euskaltzaindiak 1990ean argitara emandako izendegian, berriz, izen horiek alde batera utziz, «Ez du euskal ordain ezagunik» oharra paratu zioten. 2007an, azkenik, toponimia sakonago aztertuta Euskaltzaindiak Nafarroako udalerrien izenak arautu zituenean, Cabredo izan zen euskara baturako onartutako forma bakarra, ez baitago euskaraz tradizioa duen beste izenik.[1]
[aldatu] Inguru naturala eta kokapena
Herria, Nafarroa mendebaldeko muturrean kokatzen da, NA-7200 errepidean, Santsol-Cabredo norabidean.
Cabredok Genevilla eta Arabako probintziarekin egiten du muga iparraldean, Aguilar Kodeskoarekin ekialdean, Arabarekin mendebaldean, eta Marañon eta Aguilar Kodeskoarekin hegoaldean.
[aldatu] Demografia
| 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 |
|---|---|---|---|---|---|---|---|---|---|---|---|---|
| 342 | 370 | 367 | 394 | 421 | 364 | 377 | 338 | 209 | 172 | 143 | 117 | 97 |
2008ko erroldaren arabera, bost etorkin bizi ziren herrian, biztanleriaren %4,81a (Nafarroako batez bestekoaren azpitik).
[aldatu] Politika
[aldatu] Udal hauteskundeak
2003an bezala, 2007an Cabredoko alkatetzat PSN alderdiko Angel Jesús Sancho Martinez atera zen; herri txiki honetako zinegotzi bakarra izan zen. Boto baliogabeak 19 izan ziren (emandako guztien %22,62), eta boto zuriak 33 (botoen %50,77). Abstentzioa, berriz, %16,00 izan zen.
2011n, ordea, launa kideko bi zerrenda aurkeztu ziren. Udalbatzan La Antanilla talde independenteko 4 zinegotzi daude (orduz geroztik herriko alkatea den Aránzazu Fernández Cayetano barne), eta UPNko bakarra.
[aldatu] Udaletxea
Cabredoko udaletxeko idazkaria, Aguilar Kodeskoa, Aras, Genevilla, Lapoblacion eta Marañongo idazkari ere bada.
- HELBIDEA: San Simeon kalea, 26
[aldatu] Alkateak
| 1979-1983 | ||
| 1983-1987 | ||
| 1987-1991 | ||
| 1991-1995 | ||
| 1995-1999 | ||
| 1999-2003 | ||
| 2003-2007 | Ángel Jesús Sancho Martínez | PSN |
| 2007-2011 | Ángel Jesús Sancho Martínez | PSN |
| 2011- | Aránzazu Fernández Cayetano | La Antanilla, indep. |
[aldatu] Jaiak eta ospakizunak
Cabredo herriko jaiak, iraileko hirugarren asteburuan ospatzen dira Simeon eta Ursula santuen omenez. Antolaturiko ekitaldien artean, meza nagusia eta herri afaria dira garrantzitsuenak. Irailaren 8an, beste herri bazkari bat antolatzen da, Carrascalgo Ama Birjinaren egunean. San Joanen aurreko igandean, cabredotarrak Azueloko San Simeon baselizarako erromeria antolatzen dute. Bide zaharretik muinoaren tontorrean dagoen baselizara igo ondoren, Azueloko biztanleekin bat egin eta elkarrekin askaltzen dute.
Urteko gainontzeko jaiegunen artean, uztailaren 25eko herriko patroia den Donejakueren omenezko jaia eta gabonetako Olentzero nabarmentzen dira.
[aldatu] Azpiegitura eta garraioak
La Estellesa autobus konpainiak Aguilar Kodes eta Iruñea bitarteko autobus linea ustiatzen du. Lineak bi zerbitzu dauzka Aguilar Kodesko norantzan eta lau zerbitzu kontrako norabidean. Linearen ibilbidea honakoa da:
- Aguilar Kodes - Cabredo - Marañon - Genevilla - Zuñiga - Antzin - Murieta - Lizarra - Villatuerta - Zirauki - Mañeru - Gares - Obanos - Legarda - Zizur Nagusia eta Iruñea
[aldatu] Pertsonaia ospetsuak
- Simeon Labrador Deuna: Santua
- Baltasar Jaime Martínez de Compañón (1735-1797), apezpikua Peru eta Kolonbian.
[aldatu] Euskara
Nafarroako gobernuak onartutako Euskararen Foru Legearen arabera Cabredo eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %3,42k zekien euskaraz hitz egiten.
[aldatu] Zerbitzuak
Cabredo "Kodes Mendizerrako Zerbitzuen Mankomunitateko" kidea da. Erakundeak Aguilar Kodeskoan du egoitza nagusia.
[aldatu] Erreferentziak
- ↑ Euskaltzaindiko Onomastika batzordea: «Nafarroako Udal Izendegia, 155. araua», Plazaberri, 72. zenbakia, 2009.
[aldatu] Ikus, gainera
[aldatu] Kanpo loturak
- (Gaztelaniaz) Cabredori buruzko informazioa Nafarroako Gobernuaren webgunean.
- (Gaztelaniaz) Lizarreriko Batzorde Turistikoa.
- Cabredoko Kale Nagusiaren ikuspegia Google Street View-n.
|
||||||||||||||||
.svg)
