Morentin

Morentin
	Nafarroa Garaia, Euskal Herria
; Bandera	; Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Lizarra
Eskualdea	Lizarraldea
Administrazioa
Estatua	Espainia
Erkidegoa	Nafarroa
Izen ofiziala	Morentin
Alkatea	María Pilar Barbarin López; (Leorin, indep.)
Posta kodea	31264
INE kodea	31174
Herritarra	morentindar
Geografia
Koordenatuak	42°36′51″N 2°00′45″W / 42.614166666667°N 2.0125°W
Azalera	9 km²
Garaiera	536 metro
Distantzia	51 km (Iruñetik)
Demografia
Biztanleria	116 (2023: 2)
Dentsitatea	12,96 biztanle/km²
Zahartzea	% 32,09
Ugalkortasuna	‰ 31,25
Ekonomia
Jarduera	% 0 (2011)
Desberdintasuna	% 0 (2011)
Langabezia	% 18,27 (2013)
Euskara
Euskaldunak	% 11,30 (2018: %6,2)
Datu gehigarriak
Webgunea	http://www.morentin.es/

Morentin^[3] ([moɾentin]; Morentiain [moɾenti.ain] antzinean) Nafarroako udalerria da. Lizarrako merindadeko herri honek 135 biztanle zituen 2014. urteko erroldaren arabera. Nafarroako hiriburutik 51 kilometrora dago.

Geografia[aldatu | aldatu iturburu kodea]

Inguru naturala eta kokapena[aldatu | aldatu iturburu kodea]

Herria Nafarroa erdialde-mendebaldean kokatzen da, NA-122 errepidean Lizarra-Andosilla norabidean. Lizarratik 4 kilometrora dago.

Morentinek Aberinekin egiten du muga iparraldean eta ekialdean; Deikaztelurekin mendebaldean; eta Oteitzarekin eta Deikaztelurekin hegoaldean.

Klima eta landaredia[aldatu | aldatu iturburu kodea]

Morentinek klima mediterraneoa dauka. Urteko batez besteko tenperatura 12 eta 13 gradu bitartekoa da, eta prezipitazioak, altueraren arabera, aldakorrak dira, 500 eta 1.200mm bitartean. Urteroko egun euritsuak, bestalde, 90 inguru izaten dira.

Zuhaitzak mozteak eta suteek jatorrizko landaredia asko murriztu dute, eta gaur egun haren basoak makaldiak eta birlandaturiko pinuak baino ez dira. Gizakiak naturan eragindako kalterik handienak nekazaritzak eragin zituen, XVIII. mendetik aurrera.

Demografia[aldatu | aldatu iturburu kodea]

Morentingo biztanleria

Datu-iturria: www.ine.es

2008ko erroldaren arabera, Espainiaz kanpoko etorkin bakarra bizi zen herrian, biztanleriaren %0,64 (Nafarroako batezbestekoaren azpitik).

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

Azken agintaldietan Morentingo alkateak Leorin (AIL) talde independentearen izenean aukeratu dituzte; zerrenda hori izan da aurkeztutako bakarra. 2007an Jesús Martínez Barandalla izan zen hautatua. Baliogabeko botoak hiru izan ziren (emandako boto guztien %3,53) eta boto zuriak zazpi (%8,54). Abstentzioa %17,58koa izan zen.

**Morentingo Udala (2007)**
Alderdia	Botoak	Aukeratua?
Jesús Martínez Barandalla	52	Bai
Maria Isabel Izkue Montejo	51	Bai
Maria Pilar Barbarin Lopez	41	Bai
Jose Antzin Itxaso	35	Bai
Javier Antzin Lukin	34	Bai

2011ko udal hauteskundeetan Leoringo María Pilar Barbarin López bihurtu zen alkate^[4].

Udaletxea[aldatu | aldatu iturburu kodea]

HELBIDEA: Foruen Kalea z/g

Alkateak[aldatu | aldatu iturburu kodea]

2007-2011	Jesús Martínez Barandalla	Leorin
2011-2015	María Pilar Barbarin López	Leorin

Azpiegitura eta garraioak[aldatu | aldatu iturburu kodea]

La Estellesa autobus konpainiaren Sartaguda eta Iruñea bitarteko lineak geltokia dauka herrian. Autobus lineak honako ibilbidea egiten du:

Sartaguda - Lodosa - Sesma - Allo - Deikaztelu - Morentin - Lizarra - Zirauki - Mañeru - Gares - Obanos eta Iruñea

Jaiak eta ospakizunak[aldatu | aldatu iturburu kodea]

Herriko jaiak abuztuko hirugarren asteburuan ospatzen dira.

Ondasun nabarmenak[aldatu | aldatu iturburu kodea]

San Andres apostoluaren eliza, Erdi Aroko jatorriko eraikina da, XVI. mende eta XVII. mendeen artean aldarazitakoa. Dinteldun atea portiko barroko batek babesturik dago eta erdi puntuko arkuez apainduta. Rokoko estiloko erretaula nagusian, umea daraman Ama Birjinaren irudi bat ageri da.

Leoringo Ama Birjinaren baseliza estilo erromanikoa eta gotikoa nahasten dituen eraikina da, nahiz eta XVIII. mendean eraiki zen. Estilo ezberdinen adibide, aurrealde erromaniko erdizirkularra eta arku gotikoa ditu.