Goñerri

Goñerri
Nafarroa Garaia, Euskal Herria
Goñi kontzejuaren irudia.
Administrazioa
Estatua	Espainia
Erkidegoa	Nafarroako Foru Erkidegoa
Merindadea	Iruñeko merindadea
Eskualdea	Iruñerria
Izen ofiziala	Goñi
Alkatea	Gumersindo Indurain Cobos (IVG, indep.)
Posta kodea	31172
INE kodea	31118
Herritarra	goñerritar, goñibartar
Kokapena
Koordenatuak	42° 50′ 00″ N, 1° 52′ 00″ W
Goñerri Goñerri (Nafarroa Garaia)
Ikusi OpenStreetMapen
Azalera	41,84 km2
Garaiera	773 metro
Distantzia	33 km Iruñera
Demografia
Biztanleria	170 biztanle
% 62,35    % 37,65
Dentsitatea	4,06 biztanle/km²
Hazkundea (2003-2013)	-% 12,98
Zahartze tasa	% 33,65
Ugalkortasun tasa	‰ 0
Ekonomia
Jarduera tasa	% 0 (2011)
Genero desoreka	% 0 (2011)
Langabezia erregistratua	% 3,87 (2013)
Kultura
Euskaldunak	% 2,03 (2010)
Euskararen erabilera	%  0,0 (2011)
Datu gehigarriak

Artikulu hau ibarrari buruzkoa da; beste esanahietarako, ikus «Goñi (argipena)».

Goñerri edo Goñibar Nafarroako mendebaldean, Lizarrako merindadean dagoen udalerria da, bost herrik osatua. Udaletxea Aizpungo kontzejuan dago. 170 biztanle zituen 2014. urteko erroldaren arabera.

Goñerrin, Iruñerriko Mankomunitatea arduratzen da zaborra biltzeaz, urez hornitzeaz eta bestelako zerbitzuak egiteaz, Iruñea inguruko gune metropolitarreko beste hainbat herritan bezala.

Geografia

Inguru naturala eta kokapena

Goñerriko Azantza.

Goñerri Nafarroako hiriburutik 33 kilometrora dago, Lizarrako merindadearen ipar-ekialdean.

Herriak Ollaranekin egiten du muga iparraldean, Oltza zendearekin eta Etxaurirekin ekialdean, eta Jaitzekin eta Gesalatzekin hegoaldean.

Udalerria ohiko abiapuntua da Beriain mendira igotzeko.

Klima

Goñerrin dagoen Azantza kontzejuan, itsasoaren mailatik 828 metrora, Nafarroako gobernuak 1988an jarritako estazio meteorologikoa dago.

Herriak

Goñerri barruan honako kontzeju hauek daude: Aizpun, Azantza, Goñi, Amunarritz eta Urdanotz. 1857ko errolda arte, bakoitzak bere udalerria izan zuen.

Demografia

Goñerriko biztanleria
Datu-iturria: www.ine.es

2008ko erroldaren arabera, ez zen etorkinik bizi herrian.

Politika

Udal hauteskundeak

2007an Agrupación Independiente Valle de Goñi (AIVG) taldeko José Ignacio Preboste Goñi aukeratu zuten alkate. Udaleko bost zinegotziak lortu zituen. Baliogabeko botoak hiru izan ziren (emandako guztien %2,88) eta hamalau boto zuri (%13,86). Abstentzioa %44,97koa izan zen.

Goñerriko Udala 2007

Alderdia	Botoak	Aukeratua?
Jose Ignacio Preboste Goñi (AIVG)	59	Bai
Felix Asiain Ollo (AIVG)	34	Bai
Gumersindo Indurain Cobos (AIVG)	28	Bai
Ana Jesus San Roman Armendaritz (AIVG)	19	Bai
Andres Gorospe Esain (AIVG)	18	Bai

2011n aurreko agintaldian zinegotzi izandako Gumersindo Indurain Cobos bihurtu zen alkate, aurkeztu zen zerrenda bakarraren izenean; 2011n taldearen izena Independientes Valle de Goñi izan zen eta berriro ere bost zinegotziak lortu zituen.

Alkateen zerrenda

2007-2011	José Ignacio Preboste Goñi	AIVG, indep.
2011-	Gumersindo Indurain Cobos	IVG, indep.

Udaletxea

Udaleko idazkaria Abartzuza, Jaitz eta Deierriko idazkari ere bada. Udalak alkatea eta lau zinegotzi dauzka.

• HELBIDEA: San Andres kalea z/g (Aizpun kontzejua)

Jaiak eta ospakizunak

Goñiko jaiak ekaineko bigarren asteburuan ospatzen dira.

Mitologia

• Teodosio Goñikoa

Ondasun nabarmenak

• San Ziriako parrokia: XII. mendearen amaiera eta XIII. mendearen hasiera bitartean eraikia. Estilo erromaniko berantiarrekoa, gotorleku itxura dauka. Parrokia hondarretan dago gaur egun.
• San Antonio parrokia: eliza zaharra ordezkatzeko 1935ean eraikia.
• San Migel baseliza: Eraikinaren sarreran "GOÑI" idazpurua duen XVI. mendeko armarria dago.

Argazki galeria

• 

  Goñi

• 

  Goñi

Ikus, gainera

• Nafarroako udalerrien zerrenda

Kanpo loturak

Wikimedia Commonsen badira fitxategi gehiago, gai hau dutenak: Goñerri

• (Gaztelaniaz) Goñerriri buruzko informazioa Nafarroako gobernuaren webgunean.
• Goñi kontzejuko San Anton kalearen ikuspegia Google Street View-n.