El Busto

Wikipedia(e)tik
Hona jo: nabigazioa, Bilatu

El Busto

 Nafarroa Garaia
Izen ofiziala El Busto
Estatua
Erkidegoa
Merindadea
Eskualdea
Espainia
Nafarroako Foru Erkidegoa
Lizarrako merindadea
Vianaldea
Alkatea Jesús María Erripa Asensio (Indep.)
Herritarra elbustoar
Koordenatuak 42°32′56″N 2°14′30″W / 42.54889°N 2.24167°W / 42.54889; -2.24167Koordenatuak: 42°32′56″N 2°14′30″W / 42.54889°N 2.24167°W / 42.54889; -2.24167

Elbustomapa.PNG

Eremua 7,22 km2
Garaiera 432 m
Distantzia 67 km Iruñera
Posta kodea 31229
Biztanleria 73 bizt. (2012)
Dentsitatea 10,11 bizt./km²

El Busto[1] Nafarroako udalerria da. Lizarrako merindadeko herri honek 73 biztanle zituen 2012ko urtarrilaren 1eko erroldaren arabera. Nafarroako hiriburutik 67 kilometrora dago.

Inguru naturala eta kokapena[aldatu | aldatu iturburu kodea]

Herria, Nafarroa mendebaldean kokatzen da, Errioxako mugatik gertu eta N-111 errepidea Lizarra-Viana norabidean hartuta.

El Bustok Santsolekin egiten du muga iparraldean, Los Arcosekin ekialdean, Santsolekin mendebaldean, eta Elizagorriarekin hegoaldean.

Historia[aldatu | aldatu iturburu kodea]

XIII. mendean bi herrigune existitu ziren "Busto" izenarekin, Susko Busto eta Iusoko Busto. XV. mendean El Busto Los Arcosen herrixka bihurtu zen eta hiriburuaren zori bera izan zuen, 1463 eta 1753 bitartean Gaztelako erresumaren barne izanik. Hiru mende horietan, San Andres parrokia handitu eta erretaula pizkundetarra gehitu zitzaion. XVIII. mendearen erdialdean, herria Calahorrako elizbarrutian izan arren Nafarroako udalerri bihurtu zen.

Herria, bustotarrek proposaturiko eta erregeordeak berretsitako alkate batek agintzen zuen. Herritarrek, inguruko iturburu batetik ateratzen zuten edateko ura. Udaleko aurrekonturako beharrezko dirua, larreen salmenta eta labearen alokairuaren truke lortzen zuten, 500 eta 600 erreal inguru. 1860an herriak 218 biztanle zituen, eta ondoren hamarkadetan goraberatsu mantendu zen, XX. mendeko migrazioaren ondorioz erdira murriztu baino lehen.

Ondarea[aldatu | aldatu iturburu kodea]

  • San Roman baseliza, muino baten gainean dago.

Demografia[aldatu | aldatu iturburu kodea]

El Bustoko biztanleria
1897 1900 1910 1920 1930 1940 1950 1960 1970 1981 1991 2001 2006
166 169 161 188 221 222 211 187 167 148 118 92 83

2008ko erroldaren arabera, zazpi etorkin bizi ziren herrian, biztanleriaren %8,86a (Nafarroako batez bestekoaren azpitik).

Jaiak eta ospakizunak[aldatu | aldatu iturburu kodea]

Herriko jaiak abuztuko azken aurreko asteburuan ospatzen dira.

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

2007an bi zerrenda independente aurkeztu ziren; alkate (eta hautatutako zinegotzi bakarra) AIBko Jesús María Ripa Asensio aukeratu zuten. Baliogabeko botoak 8 izan ziren (emandako guztien %12,70a) eta zurizko 3 boto izan ziren (botoen %5,45a). Abstentzioa %47,16koa izan zen.

El Bustoko Udala (2007)
Alderdia Botoak Aukeratua?
Jesus Maria Erripa Asensio (AIB) 43 Bai
Jesus Maria Osés Zurbano (C) 9 Ez

2011n, ordea, zerrenda bakarra egon zen eta Erripak karguan errepikatu zuen, oraingoan beste bi zinegotziren laguntzaz.

Udaletxea[aldatu | aldatu iturburu kodea]

  • HELBIDEA: Zelai kalea, z/g

Alkateak[aldatu | aldatu iturburu kodea]

Alkateen zerrenda
1979-1983
1983-1987
1987-1991
1991-1995
1995-1999
1999-2003
2003-2007
2007-2011 Jesús María Erripa Asensio AIB
2011- Jesús María Erripa Asensio Indep.

Azpiegitura eta garraioak[aldatu | aldatu iturburu kodea]

La Estellesaren Donostia eta Logroño bitarteko lineak (NA-10 zenbakiko emakida) geltokia dauka herrian. Lineak honako ibilbidea egiten du:

Euskara[aldatu | aldatu iturburu kodea]

Nafarroako gobernuak onartutako Euskararen Foru Legearen arabera El Busto eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %3,26k zekien euskaraz hitz egiten.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Portal.svg
Euskarazko Wikipedian bada atari bat, gai hau duena:
Euskal Herriko Wikiatlasa