Larragoa

Wikipedia(e)tik
Hona jo: nabigazioa, Bilatu

Larragoa

 Nafarroa Garaia

Larragoako armarria

Izen ofiziala Larraona
Estatua
Erkidegoa
Merindadea
Espainia
Nafarroako Foru Erkidegoa
Lizarrako merindadea
Alkatea María Flora Gabiria Andueza (AEL)
Herritarra larragoar
Koordenatuak 42°46′50″N 2°15′22″W / 42.78056°N 2.25611°W / 42.78056; -2.25611Koordenatuak: 42°46′50″N 2°15′22″W / 42.78056°N 2.25611°W / 42.78056; -2.25611

300px

Eremua 10,43 km2
Garaiera 772 m
Distantzia 74 km Iruñera
Posta kodea 31175
Euskaldunen % 18,38
Dentsitatea ERROREA: ezin izan da automatikoki kalkulatu, arazoa konpontzeko egin klik hemen bizt./km²

Larragoa[1] Nafarroa Garaiko mendebaldeko udalerri bat da. Lizarrako merindadeko herri honek 114 biztanle zituen 2012ko urtarrilaren 1eko erroldaren arabera. Iruñea hiriburutik 74 kilometrora dago.

Inguru naturala eta kokapena[aldatu | aldatu iturburu kodea]

Herria Nafarroa Garaiko mendebaldean dago, Lizarrako merindadeko ipar-mendebaldean, Arabako mugatik hurbil. Lizarra eta Gasteiz elkartzen dituen NA-7185 errepideak zeharkatzen du herria.

Larragoak Urbasa mendilerroarekin egiten du muga iparraldean, Aranaratxerekin ekialdean, Arabarekin mendebaldean, eta Galipentzu eta Lanarekin hegoaldean.

Klima eta landaredia[aldatu | aldatu iturburu kodea]

Udalerri osoan ez da klima bera: mendebaldeko gune menditsuetan klima atlantikoa da nagusi, urtean batez beste 1.600 mm-tik gorako prezipitazioak eta 8 ºC dituela. Udalerriaren erdialdean eta ekialdean, berriz, klima azpimediterraneoa da, prezipitazioak urriagoak dira, 1.200 eta 1.400 mm bitartekoak, eta tenperatura 10 ºC ingurukoa izaten da. Urteroko egun euritsuak 130 izaten dira batez beste.

Jatorrizko landaredia haritzek eta pagoek osatzen dute; pagoak, batez ere, mendebaldeko gune menditsuetan ageri dira. Lizarrerriko udalerri askotan ez bezala, Larragoak jatorrizko landarediari dagozkion hainbat zuhaitz espezie gordetzen ditu oraindik ere.

Estazio meteorologikoa[aldatu | aldatu iturburu kodea]

Larragoan, itsasoaren mailatik 771 metrora, Nafarroako Foru Erkidegoko Gobernuak 1975ean jarritako estazio meteorologikoa dago.[2]

Demografia[aldatu | aldatu iturburu kodea]

Larragoako biztanleria
1897 1900 1910 1920 1930 1940 1950 1960 1970 1981 1991 2001 2006
254 253 301 293 300 321 318 281 254 217 188 143 136

2008ko erroldaren arabera, herrian ez da etorkinik bizi.

Ondarea[aldatu | aldatu iturburu kodea]

San Kristobalgo eliza, estilo erromanikoko eraikina da, XII. mendean eraiki eta XIV. mendean zaharberritua. Parrokiak, portada erromanikoa kontserbatzen du.

Andre Maria Zuriaren baseliza, XVIII. mendeko nabe laukizuzeneko eraikina da, kanoi erdiko estaldura eta harlanduzko kanpoaldearekin. San Benitoko baseliza bestalde, XVI. mendeko eraikina da.

Politika[aldatu | aldatu iturburu kodea]

Udaletxea[aldatu | aldatu iturburu kodea]

Errepidearen ondoan dagoen beheko solairu eta gainean solairu bakarreko eraikina da. Margoturiko hiru fatxada dauzka eta eraikinaren arkitektura inguruko eraikin tipikoen berdina da. Udalak alkatea eta lau zinegotzi dauzka. Larragoako udaleko idazkaria, Aranaratxe eta Eulateko idazkari ere bada.

  • HELBIDEA: Zuria Kalea, z/g

Udal hauteskundeak[aldatu | aldatu iturburu kodea]

Herri txiki honetan beste batzuetan gertatu den bezala[3], 2007an ez zen udal hauteskunderik izan Larragoan, ez zelako inongo talderik aurkeztu[4].

2008an izendatutako alkatea, María Flora Gabiria Andueza alegia, 2011ko hauteskundeetan karguan berretsi zuten, kasu honetan Agrupación Electoral Larraona (AEL) taldearen izenean. Beste 4 zinegotzi ere aukeratu zituzten.

Alkateak[aldatu | aldatu iturburu kodea]

Alkateen zerrenda
1979-1983
1983-1987
1987-1992
1992-1995 Saturnino Andueza Ruiz de Larramendi kudeaketa batzordea
1995-1999 Saturnino Andueza Ruiz de Larramendi Indep.
1999-2004
2004-2008 Saturnino Andueza Ruiz de Larramendi kudeaketa batzordea
2008-2011 María Flora Gabiria Andueza kudeaketa batzordea
2011- María Flora Gabiria Andueza AEL

Azpiegitura eta garraioak[aldatu | aldatu iturburu kodea]

Automoviles Urederra autobus konpainiak Larragoa Lizarrarekin batzen du. Autobus lineak ibilbide hau egiten du:

Zerbitzuak[aldatu | aldatu iturburu kodea]

Antzin-Ameskoako Zerbitzu Sozialen Mankomunitatea, zaborra bildu, ura hornitu eta bestelako zerbitzuez arduratzen da Larragoa eta eskualdeko beste hainbat herritan.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Portal.svg
Euskarazko Wikipedian bada atari bat, gai hau duena:
Euskal Herriko:Wikiatlasa