Girgillao

Girgillao
	Nafarroa Garaia, Euskal Herria
	Girgillaoren ikuspegia
; Bandera	; Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Lizarra
Administrazioa
Estatua	Espainia
Erkidegoa	Nafarroa
Izen ofiziala	Guirguillano
Posta kodea	31291
INE kodea	31121
Herritarra	girgillaotar
Geografia
Koordenatuak	42°43′20″N 1°52′4″W
Azalera	24,76 km²
Garaiera	555 metro
Distantzia	34 km (Iruñetik)
Demografia
Biztanleria	83 (2020: 5)
Dentsitatea	3,47 biztanle/km²
Zahartzea	% 15,56
Ugalkortasuna	‰ 71,43
Ekonomia
Jarduera	% 0 (2011)
Desberdintasuna	% 0 (2011)
Langabezia	% 7,42 (2013)
Euskara
Euskaldunak	% 8,70 (2018); % 9,57 (2010)

Girgillao^[3] ([giɾɣiʎa.o]) Nafarroako udalerria da, Mañeruibarrean kokaturik. Ondoko herri hauek osatzen dute gaur egun: Argiñaritz, Girgillao eta Etxarren (herriburua). Lehen, aldiz, egun hustuta dauden herri gehiago zituen: Gorriza, Orendain, Sorakoitz eta Zabala. 86 biztanle zituen 2014. urteko erroldaren arabera.

Iruñerriko Mankomunitatea, zaborra bildu, ur-hornidura eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Geografia[aldatu | aldatu iturburu kodea]

Inguru naturala eta kokapena[aldatu | aldatu iturburu kodea]

Girgillao Nafarroa erdialdean dago, Lizarrako merindadearen ipar-ekialdean, Iruñeko merindadearen mugan, eta Nafarroako hiriburutik 32 kilometrora.

Mugakideak Jaitz, Bidaurreta, Belaskoain (iparraldean), Gares, Artazu (ekialdean), Mañeru, Zirauki (hegoaldean) eta Gesalatz (mendebaldean) dira.

Klima eta landaredia[aldatu | aldatu iturburu kodea]

Girgillaok klima mediterraniarra dauka orokorrean (udalerriko gunerik altuenetan azpimediterraniarra da prezipitazioak ugariagoak eta tenperatura hotzagoa delako). Urteko batez besteko tenperatura 12 gradu ingurukoa da eta prezipitazioak 600 eta 1.000mm bitartekoak. Urteroko egun euritsuak 90 izaten dira (mendialdean 120 edo gehiago izan daitezke).

Udalerriko jatorrizko landarediaren gehiena galdu den arren, oraindik ere arte eta haritz bakanen batzuk geratzen dira herrigunearen inguruko mendietan.

Historia[aldatu | aldatu iturburu kodea]

Gaur egun udalerria osatzen duten herriek 1857ko errolda baino zenbait urte lehenago egin zuten bat; aurreko erroldan (1842koan) hiru udalerri desberdinetan banatuta zeuden: Argiñaritz eta Gorriza zeritzona, Girgillao bera eta Etxarren. Harrezkero bakarrean bilduta daude.

Demografia[aldatu | aldatu iturburu kodea]

Girgillaoko biztanleria

Datu-iturria: www.ine.es

2008ko erroldaren arabera, Espainiaz kanpoko etorkin bakarra bizi zen herrian, biztanleriaren %1,10 (Nafarroako batezbestekoaren azpitik).

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

Girgillaoko alkatea Aparra herri ekimeneko Alfonso Víctor Pérez de Ziritza Ortega da 2007ko udal hauteskundeez geroztik; urte horretan hautatutako zinegotzi bakarra izan zen. Ez zen baliogabeko botorik izan eta boto zuriak hogeitabi izan ziren (%40,74). Abstentzioa %38,64ekoa izan zen.

**Girgillaoko Udala 2007**
Alderdia	Botoak	Aukeratua?
Alfonso Víctor Pérez de Ziritza Ortega (A)	32	Bai

2011n eta Aparraren izenean Pérez de Ziritza berriro alkate aukeratu zuten; kasu honetan beste bi zerrendakideren laguntzaz.

Alkateak[aldatu | aldatu iturburu kodea]

2007-2011	Alfonso Víctor Pérez de Ziritza Ortega	Aparra
2011-	Alfonso Víctor Pérez de Ziritza Ortega	Aparra

Udaletxea[aldatu | aldatu iturburu kodea]

Gaur egungo udaletxea 1983an eraiki zen, antzinako eraikin bat eraitsi ostean. Margoturiko fatxada dauka, eta inguruko eraikuntzen antzerako estiloa. Udalak alkatea eta lau zinegotzi dauzka.