Obanos: berrikuspenen arteko aldeak
136. lerroa: | 136. lerroa: | ||
== Erreferentziak == |
== Erreferentziak == |
||
{{erreferentzia zerrenda}} |
{{erreferentzia zerrenda|2}} |
||
== Kanpo loturak == |
== Kanpo loturak == |
15:10, 1 urria 2018ko berrikusketa
Obanos | |||
---|---|---|---|
Nafarroa Garaia, Euskal Herria | |||
| |||
Kokapena | |||
Herrialdea | Euskal Herria | ||
Lurraldea | Nafarroa Garaia | ||
Merindadea | Iruñea | ||
Eskualdea | Izarbeibar | ||
Administrazioa | |||
Estatua | Espainia | ||
Erkidegoa | Nafarroa | ||
Izen ofiziala | Obanos | ||
Alkatea | Juan Ignacio Elorz Torrecilla | ||
Posta kodea | 31151 | ||
INE kodea | 31183 | ||
Herritarra | obanostar | ||
Geografia | |||
Koordenatuak | 42°39′47″N 1°47′11″W / 42.6631607°N 1.78634979°W | ||
Azalera | 19,7 km² | ||
Garaiera | 412 metro | ||
Distantzia | 15 km (Iruñetik) | ||
Demografia | |||
Biztanleria | 920 (2023: −18) | ||
Dentsitatea | 44,7 bizt/km² | ||
Zahartzea[1] | % 28,9 | ||
Ugalkortasuna[1] | ‰ 22,22 | ||
Ekonomia | |||
Jarduera[1] | % 78,4 (2011) | ||
Desberdintasuna[1] | % 0 (2011) | ||
Langabezia[1] | % 8,69 (2013) | ||
Euskara | |||
Euskaldunak[2][3] | % 12,10 (2018: %6,11) | ||
Datu gehigarriak | |||
Webgunea | http://www.obanos.es |
Obanos[4] Nafarroa Garaiko udalerria da, Iruñeko merindadean dagoena, Iruñetik 15 kilometro hego-mendebaldera. 19,89 kilometro koadroko eremua du, eta 919 biztanle zituen 2014. urtean.
Geografia
Inguru naturala eta kokapena
Nafarroa Garaiko erdialdean dago, Izarbeibarrean, Iruñeko merindadearen hegoaldeko muturrean. Campanas eta Obanos elkartzen dituen errepideak Iruñerriarekin komunikatzen du udalerria. Lau auzo ditu, San Juan, San Lorentzo, San Martin eta San Salvador.
Herriak Legardarekin egiten du muga iparraldean, Muruzabal, Eneritz eta Añorberekin ekialdean, Garesekin mendebaldean, eta Artaxoa eta Mendigorriarekin hegoaldean.
Klima eta landaredia
Obanosko klima mediterraneo-kontinentala da, Izarbeibarko gainontzeko herriek duten klima bera. Haraneko lurrak oso emankorrak dira, Errobo ibaiaren urei esker. Ibai horretan mendietatik datozen hainbat errekastoren urek egiten dute bat. Neguak hotzak dira eta udak beroak, dena den, ez hegoalderago dagoen Erriberan bezain beroak. Urteko batez besteko tenperatura 13 eta 14 gradu artekoa eta prezipitazioak 500 eta 800mm bitartekoak dira (egun euritsuak aldakorrak dira garaieraren arabera, 70-90 egun batez beste).
Gizakia agertu aurretik, udalerrian ameztiak eta zumelak nagusi ziren. Ameztiak gunerik hezeenetan ziren. Baina, zoritxarrez, nekazaritzaren hedapena dela eta, gaur egun ez dago jatorrizko landarediaren arrastorik. Herriaren inguruko basoak, birlandaturiko pinu beltz eta lariziarren hektarea gutxi batzuek osatzen dituzte.
Historia
Obanos 1665. urtean bihurtu zen hiribildu, baina jada XIII. mendean monarkiaren gehiegikeria salatzeko bilduriko nobleen "Infantzoien Biltzarra" delakoa herrian bildua zen. Erakunde hori, Nafarroan eta Euskal Herrian izandako lehen erakunde "demokratikotzat" hartua izan da. XIII. mendearen hasieran Antso VII.a erregeak erakundea onartu eta bere konpetentziak zabaldu zituen eta gaizkileak harrapatu eta zigortzeko eskubidea eman.
Infantzoien Biltzarrak, nobleziako behe-estamentuetako kideak ziren, goi-burgesiaren azpian. Dena den, nobleez gain, nekazari, artisau, abade, eta merkatariek ere osatzen zuten elkartea, euren pribilegioak defendatzeko asmoarekin. Partaideak ez ziren soilik obanostarrak, inguruko herrietako biztanleek ere hartzen zuten parte bertan, eta Obanosez beste eskualdeetan ere bildu izan ziren. Dena den, Obanosen kokapen geografiko estrategikoa zela eta, bilera gehien egiten zen herria izan zen eta horregatik erlazionatzen da erakundea udalerriarekin gaur egun.
1512an, Gaztelak Nafarroa konkistatzean Obanos Izarbeibarreko udal bihurtu zen. XIX. mendean udalerri independente bihurtu zen.
Demografia
Obanosko biztanleria |
---|
2008ko erroldaren arabera, Espainiaz kanpoko 109 etorkin bizi ziren herrian, biztanleriaren %11,87 (Nafarroa Garaiko batezbestekoaren gainetik).
Politika
Udal hauteskundeak
Azken agintaldietan Obanosko alkatea 1995ean sortutako Agrupación Nekeas herri ekimenekoa izan da. 1999tik 2007ra Fernando Lanas Guembek hartu zuen alkatetza. 1999an Nekeasek 3 zinegotzi lortu zituen eta UPNk hiru. 2003an Nekeasek 5, Ultreiak 1 eta UPNk 1[5].
2007an talde hau izan zen aurkeztutako bakarra. Baliogabeko botoak 81 izan ziren (emandako guztien %15,20) eta 84 boto zuri(%18,58). Abstentzioa %24,29koa izan zen.
Alderdia | Botoak | Zinegotziak |
Nekeas | 368 | 7 |
2011ko udal hauteskundeetan hiru zerrenda aurkeztu ziren: ezkerrekoak eta euskaltzaleak biltzen dituen Nekeas (berriz ere garaile, 4 zinegotzi eta alkatetza Jesús María Puyrentzat), eskuineko Proyecto por Obanos (3 zinegotzi) eta PP (bat ere ez)[6].
Alderdia | Botoak | Zinegotziak |
Nekeas | 330 | 4 |
Proyecto por Obanos | 216 | 3 |
PP | 19 | 0 |
Udaletxea
Obanosko udaletxeko idazkaria, Adios, Legarda, Muruzabal, Eneritz, Tirapu, Ukar eta Utergako idazkari ere bada.
- HELBIDEA: Foruen Plaza, 1
Alkateak
1999-2003 | Fernando Lanas Genbe | Nekeas |
2003-2007 | Fernando Lanas Genbe | Nekeas |
2007-2011 | Fernando Lanas Genbe | Nekeas |
2011-2015 | Jesús María Puy Lanas | Nekeas |
2015-2019 | Juan Ignacio Elorz Torrecilla |
Azpiegitura eta garraioak
La Estellesa autobus konpainiak Aguilar Kodes eta Iruñea bitarteko autobus linea ustiatzen du. Lineak bi zerbitzu dauzka Aguilar Kodesko norantzan eta lau zerbitzu kontrako norabidean. Linearen ibilbidea honakoa da:
- Aguilar Kodes - Cabredo - Marañon - Genevilla - Zuñiga - Antzin - Murieta - Lizarra - Villatuerta - Zirauki - Mañeru - Gares - Obanos - Legarda - Zizur Nagusia eta Iruñea
Kultura
Euskara
Nafarroako Gobernuak onartutako Euskararen Foru Legearen arabera Obanos eremu ez-euskalduneko udalerria zen, eta hori dela eta, hizkuntza ofizial bakarra gaztelania zen. 2001eko erroldaren arabera, herritarren %5,97k zekien euskaraz hitz egiten.
2008an Nafarroako Ezker Batuak eta Nafarroa Baik Euskararen Foru Legea aldatu eta gune mistoan udalerri gehiago sartzeko (horien artean Obanos) proposamena aurkeztu zuten Nafarroako Parlamentuan. UPN ez beste talde guztien baiezko botoarekin proposamena aurrera aterako zela zirudienean, PSN alderdiaren ustegabeko jarrera aldaketak atzera bota zuen gune mistoaren hedapena[7].
2017ko ekainaren 22an Nafarroako Parlamentuak eremu mistora pasatzea erabaki zuen, beste 43 udalekin batean.
Jaialdiak
Bi urtetik behin, herriko 400 lagun baino gehiagok Obanosko Misterioa izeneko antzezlana egiten dute, Interes Turistiko Nazionaleko jaia izendatua dena.[8] Santos Begiristain apaizaren gidoia duen testua Erdi Aroko Donejakue bideko kondaira batean oinarritzen da.[9]
Ondasun nabarmenak
Obanosek, portiko ikusgarridun eta pizkundeko erretauladun eliza gotikoa izan zuen. Eraikinaren egoera txarra zela eta, eta herriko biztanleria haztearekin batera, eliza berria eraiki zuten 1912. urtean, San Joan bataiatzailearen eliza. Jatorrizko elizatik XIV. mendeko portada, dorrea eta Blankako Andrearen ganga nagusia kontserbatzen dira. Horrez gain, Joanes Antxetaren XVII. mendeko erretaulako eskultura batzuk aurkitu daitezke. Eliza 2007. urtean zaharberritu zuten.
Bestalde, San Lorentzo eta Salbatore baseliza, herriaren erdigunetik bi kilometrora kokatzen da, Iruñea eta Garesko errepideak Obanosera doan errepidearekin bat egiten duten tokitik gertu.
Eraikuntza zibilari dagokionez honako egiturak dira aipagarri:
- Muzkiz etxea, XVII. mendearen lehen erdikoa.
- Zabalegi etxea, etxe barruko patioarekin.
- Tximonko etxea, XIX. mendeko blasoiduna.
- On Fidel etxea, erdi puntuko ateduna.
Ikus, gainera
Erreferentziak
- ↑ a b c d e Euskal Herriari Begira. Udalbiltza.
- ↑ Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).
- ↑ Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..
- ↑ Euskaltzaindia. 155. araua: Nafarroako udal izendegia. .
- ↑ Nekeasen webgunea.
- ↑ Proyecto por Obanos, ¿UPN? (Un Proyecto Neutro) elkartearen webgunean.
- ↑ Euskarakultur.com webguneko albistea.
- ↑ Nafarroako Gobernua. Obanosko Misterioa. .
- ↑ www.euskalkultura.com. Obanos herri nafarra erabat aldatuko da gaurtik aurrera, astebetez 'Obanosko Misterioa' antzeztearren. .
Kanpo loturak
Wikimedia Commonsen badira fitxategi gehiago, gai hau dutenak: Obanos |
Euskarazko Wikipedian bada atari bat, gai hau duena: Nafarroa |