Baztan: berrikuspenen arteko aldeak
t Robota: Aldaketa kosmetikoak |
No edit summary |
||
14. lerroa: | 14. lerroa: | ||
| garaiera = 432 |
| garaiera = 432 |
||
| azalera = 376.8 |
| azalera = 376.8 |
||
| biztanleria = |
| biztanleria = 8075 |
||
| bizt_urtea = |
| bizt_urtea = 2011 |
||
| dentsitatea = |
| dentsitatea = |
||
| distantzia = 58 |
| distantzia = 58 |
13:46, 30 urtarrila 2012ko berrikusketa
- Artikulu hau Nafarroako udalerriari buruzkoa da; beste esanahietarako, ikus «Baztan (argipena)».
Baztan | |||
---|---|---|---|
Nafarroa Garaia, Euskal Herria | |||
| |||
Kokapena | |||
Herrialdea | Euskal Herria | ||
Lurraldea | Nafarroa Garaia | ||
Merindadea | Iruñea | ||
Administrazioa | |||
Estatua | Espainia | ||
Erkidegoa | Nafarroa | ||
Izen ofiziala | Baztan | ||
Alkatea | Garbiñe Elizegi Narbarte (Bildu) | ||
Posta kodea | 31700 | ||
INE kodea | 31050 | ||
Herritarra | baztandar | ||
Geografia | |||
Koordenatuak | 43°08′48″N 1°31′02″W / 43.146787°N 1.5171681°W | ||
Azalera | 373,55 km² | ||
Garaiera | 432 metro | ||
Distantzia | 58 km (Iruñetik) | ||
Demografia | |||
Biztanleria | 7.831 (2023: −20) | ||
Dentsitatea | 20,78 biztanle/km² | ||
Zahartzea[1] | % 26,73 | ||
Ugalkortasuna[1] | ‰ 38,19 | ||
Ekonomia | |||
Jarduera[1] | % 79,86 (2011) | ||
Desberdintasuna[1] | % 7,09 (2011) | ||
Langabezia[1] | % 7,11 (2013) | ||
Euskara | |||
Euskaldunak[1][2] | % 74,90 (2018: %-2,21) | ||
Datu gehigarriak | |||
Webgunea | http://www.baztan.es/ |
Baztan Nafarroa Garaiko ipar-mendebaldean dagoen udalerria eta ibarra da, probintziako eta Euskal Herri osoko zabalena: 376,8 km². Haraneko erdigunea eta herri nagusia Elizondo da. Baztanen hamabost herri badira ere, ez da beren arteko mugarik eta denen artean administrazio eremu bakarra osatzen dute.
Inguru naturala eta kokapena
Honako udalerri eta lurralde hauek ditu mugakide: Mendebaldean Donamaria, Bertizarana eta Etxalar; hegoaldean Erroibar, Esteribar, Lantz, Anue eta Ultzama; ekialdean Baigorriko Kantonamendua; eta iparraldean Urdazubi, Zugarramurdi eta Lapurdi hegoaldea.
Klima eta landaredia
Klimaren ezaugarri nagusia urte osoko prezipitazio ugariak dira. Batez beste 1.500 eta 2.200mm bitartean izaten dira,nahiz eta udalerriko gunerik menditsuenetan ugariagoak diren prezipitazioak. Aldaketa termikoa nahiko txikia da eta uda garaian ez da hilabete idorrik izaten. Baztanek klima atlantiar epela dauka, eta batez besteko tenperatura 10 eta 15 gradu artekoa izaten da. Urteko egun euritsuak 180 inguru izaten dira.
Jatorrizko landaredia pagadiek osatzen zuten gune menditsuetan, hariztiak udalerriko haranetan zeuden, eta, gaztainondoak tarteko guneetan. Gizakiaren eragina dela eta,ordea, asko eraldatu da jatorrizko landaredi hori eta gaur egun 7.500 hektarea pago baino ez dira geratzen. Pagadiak hegoaldeko gune menditsuenetan hedatzen dira batez ere. Hariztiek, berriz, gizakiaren eragina gehien jasan zuten espezieak dira,asko bota dira eta, bai zura lortzeko bai nekazaritzarako larreak lortzeko. Birlandatutako zuhaitzek 2.100 hektarea hartzen dituzte (batez ere Otsondo-Alkurruntz eta Orabideko guneetan), Nafarroako azalerarik handienetakoa; insignis pinua, haritz amerikarra eta Japoniako alertze pinuak erabili ziren birlandaketetarako.
Batez besteko tenperatura eta prezipitazioak[3] | ||||||||||||
---|---|---|---|---|---|---|---|---|---|---|---|---|
Urt | Ots | Mar | Api | Mai | Eka | Uzt | Abu | Ira | Urr | Aza | Abe | |
Max (°C) | 13º | 14º | 16º | 17º | 21º | 23º | 25º | 26º | 24º | 21º | 16º | 14º |
Min (°C) | 6º | 6º | 8º | 9º | 12º | 15º | 17º | 18º | 15º | 12º | 8º | 7º |
Euria (mm) | 113,0 | 106,5 | 80,5 | 134,6 | 88,4 | 70,7 | 73,8 | 72,9 | 87,5 | 124,9 | 142,8 | 119,8 |
Estazio meteorologikoak
Gorramendi mendiaren tontorrean, antzina militarren radar kokagunea izandakoan, itsasoaren mailatik 1.071 metrora, Nafarroako gobernuak jarritako estazio meteorologiko bat dago.[4]
Iruritako hiltegiaren ondoan bestalde, Espainiako Meteorologi Agentziaren (AEMET) beste estazio meteorologiko bat dago.[5]
Hidrografia
Erreka nagusia Baztan ibaia da, haranetik ateratzen denean Bidasoa deitzen zaiona. Iparmendebaldeko urak Orabidea errekak biltzen ditu, aurrerago Ugarana deitua eta Donibane Lohitzunen itsasoratzen dena. Aritzakun eta Urritzate errekak, Urbakuran elkartuta, Errobi ibaiaren adarra den Baztan erreka osatzen dute.
Mapa
Herriak
Baztango herrien zerrenda | |||||
---|---|---|---|---|---|
Herria | Biztanleria[6] | Argazkia | Herria | Biztanleria | Argazkia |
Almandoz | 211 biztanle (2010) | Elbete | 271 biztanle (2010) | ||
Amaiur | 284 biztanle (2010) | Erratzu | 490 biztanle (2010) | ||
Aniz | 73 biztanle (2010) | Gartzain | 219 biztanle (2010) | ||
Arizkun | 610 biztanle (2010) | Irurita | 848 biztanle (2010) | ||
Arraioz | 239 biztanle (2010) | Lekaroz | 341 biztanle (2010) | ||
Azpilkueta | 176 biztanle (2010) | Oronoz-Mugairi | 457 biztanle (2010) | ||
Berroeta | 123 biztanle (2010) | Ziga | 196 biztanle (2010) | ||
Elizondo | 3.543 biztanle (2010) | Denera (Baztan): | 8.081 biztanle (2010) |
Historia
Baztandik hurbil, Urdazubiko Alkerdi eta Berroberrian, Goi Paleolitoko aztarna ugari aurkitu dira. Haranean 600 monumentu megalitiko (trikuharri, harrespil eta zutarri) baino gehiago katalogatu dira.[7][8]
Erromatarrek Novenpopulania probintzian sartu zutela uste da. XI. mendetik behintzat Iruñeko Erresumaren barnean zegoen. Elizaz, berriz, Baionako elizbarrutian egon zen, 1567an Iruñekoan sartu zuten arte.
Koroak, Antso VII.a Azkarraren erregealditik (1154-1234) bederen, zergak jasotzen zituen Amaiurko eta Ainhoako postuetan. Ez ordea laborarien petxak, Arizkunen eta Almandozen izan ezik. Hori dela eta, biztanle askok kapareen pribilegioen antzekoak zeuzkatela pentsatzen da.
XII. mendean Lapurdiko mugan Salbatore monasterioa kokatu zen, inguru hurbilean eragin handia izan zuena. Monasterioaren menpeko izan ziren Urdazubi eta Zugarramurdi herriek, auzi luzeen ondoren, bai Baztandik, bai mojengandik askatzea erdietsi zuten. Zugarramurdi 1667an bihurtu zen udalerri eta Urdazubi 1774an.
1393an Karlos III.ak elizondarren kaparetasuna onartu zuen. Haren ondoregoek, Blanka eta Joanes II.ak, zerriak mendian bazkatzeagatik petxak kobratu nahi izan zituzten. Horren aurka Haranak Kontuen Ganbarara jo eta auzia irabazi zuen. Horren ondoren Vianako Printzeak baztandarren kaparetasuna onartu zuen.
XIV. mendetik aurrera populazioa azkarki emendatu zen. Bi arrazoi izan ziren horretarako: baliabide naturalen ustiapen handiagoa eta, batez ere, kapare izateak baztandarrentzat zekarren onura.
1522an, Amaiurko gazteluan, Henrike II.a Nafarroakoaren aldekoek Gaztelako Erresumaren aurkako azken erresistentzi borroka egin zuten.
1665ean Amaiur Baztandik bereizi zen eta hala jarraitu zuen 1969an itzuli zen arte.
Mugatik hurbil egonik, Espainiaren eta Frantziaren arteko gerren ondorioak pairatu zituen, latzenak Hogeita Hamar Urteko Gerrakoak eta Frantziako Iraultzako Gerretakoak.
Lehen Gerra Karlistan Elizondoko Arizkunenea jauregia Karlos Maria Isidroren egoitza izan zen (1834). 1835ean, Ziga eta Elizondoko gatazken ostean, Espoz y Mina jeneralak Lekaroz herriari su eman eta herritar andana fusilatu zuen. Hiru etxe eta eliza baino ez ziren erre gabe gelditu.
Kultura
Euskara
Hango hizkuntza naturala, historikoki, euskara da (eskuara esaten dute han). Koldo Zuazo dialektologoaren arabera, lehenik Koldo Mitxelenak, Salaburuk eta bertze zenbaitek garbi utzi bezala, herri baztandar gehienetan nafar-lapurtera eta nafarreraren arteko mintzaira erabiltzen da, Oronoz-Mugairin baizik ez, han nafarrera hutsean egiten baitute. Baztango hizkera Mariano Izetak eta, batez ere, Pello Salaburuk aztertu dute.
Gaur egun biztanleen %77,22 euskaldunak dira (2008).
Laxoa
Laxoa pilota jokoaren aldaera bat da, gaur egun jokatzen direnen artean aldaerarik zaharrena. XX. mendean erabat galdu zen, baina, gaur egun, Baztanen eta Malerrekan jokatzen da, 1960ko hamarkadan egindako berreskuratze ahaleginari esker; berreskuratze horretan, erabakigarria izan zen Jesus Jaimerena iruritar apaizaren lana.[9][10] Nafarroako Gobernua laxoa kultura ondasun izendatzea aztertzen ari da.[11]
Museo etnografikoa
Jorge Oteiza - Baztango Museo Etnografikoa Elizondoko herrigunean kokatuta dago, Puriosenea izeneko hiru solairuko etxetzar batean. Landa edo baserri mundua eta XIX. mendeko folklorea, jantziak eta musika erakusten ditu.
Dantzak
Mutil-dantza, irri-dantzak edo jostaketakoak eta sagar-dantza hango adierazgarrienak dira.
Baztandarren Biltzarra
Haran osoko jai nagusia da, uztailero ospatzen dutena 1963tik. Bertan, Baztango 15 herriek beren karrozak eramaten dituzte Elizondoko karriketan, jantzi tradizionalak eta abar erakutsiz. Bazkaldu baino lehen, plazan mutil-dantza jendetsua egiten dute.
Kirola
Kirol taldeak
- Baztango Kirol Taldeak (BKT). 1988an sortutako emakume eskubaloi kluba[12].
- C.D.Baztan. 1941-42an sortutako futbol kluba. Txikien, kimu, haur, kadete, gazte eta heldu taldeak ditu. 2011-2012 denboraldian helduak Nafarroako preferente mailan ariko dira[13].
- Baztan Rugby Taldea (BRT), 1978an sortua[14], Lehenbiziko maila nazionalean dagoena. Lekarozko ikastetxean dagoen errugbi zelaian jokatu ohi du.
- Txaruta Pilota Elkartea.
- Laxoa Elkartea. Baztan eta Malerrekan Laxoa eta Paxaka txapelketak antolatzen dituena.
- Baztango Mendigoizaleak. 80. hamarkadan sortua[15].
- Amaiurko Sokatira Taldea. 2010eko Munduko Txapelketan azpitxapeldun izan zen 560 kiloko kategorian[16]
- Basaburuko Herri Kirol Taldea.
Demografia
1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 | 2010 |
---|---|---|---|---|---|---|---|---|---|---|---|---|---|
9.150 | 9.295 | 9.232 | 9.345 | 9.689 | 9.776 | 9.219 | 9.282 | 9.052 | 8.244 | 7.959 | 7.501 | 7.750 | 8.081 |
2008ko erroldaren arabera, 455 etorkin bizi ziren herrian, biztanleriaren %5,80 (Nafarroako batezbestekoaren azpitik).
Hedabideak
- Xorroxin Irratia
- Xaloa Telebista
- Ttipi-Ttapa aldizkaria
Administrazioa eta politika
2007ko udal hauteskundeak
Baztango alkatea Nafarroa Bai koalizioko Virginia Aleman Arraztio atera zen 2007ko udal hauteskundeetan, Baztango udaleko hamahiru zinegotzietatik zazpi lortu zituen, eta, hortaz,gehiengo osoa udalean.
Ezker abertzalearen zerrenda Espainiako Auzitegi Nazionalak legez kanpo utzi zuen. Baliogabeko botoak 780 izan ziren (emandako guztien %16,80) eta 147 boto zuri izan ziren (botoen %3,81). Abstentzioa %37,02koa izan zen.
2011ko udal hauteskundeak
UPN eta Bilduk bosna zinegotzi atera zituzten. Lehena zerrendarik bozkatuena izan bazen ere, Baztango Ezkerrak (I-Etik hurbil[17], 2 zinegotzi) Bilduko Garbiñe Elizegiri eman zioten botoa eta honek eskuratu zuen alkatetza[18]. NaBai 2011k abstentziora jo zuen. PSNk ez zuen hautetsirik lortu.
Alderdia | Botoak | Zinegotziak |
UPN | 1.524 | 5 |
Bildu | 1.487 | 5 |
Baztango Ezkerra | 817 | 2 |
Nafarroa Bai 2011 | 388 | 1 |
PSN | 196 | 0 |
Alkateak
1979-1983 | ||
1983-1987 | ||
1987-1991 | ||
1991-1995 | ||
1995-1999 | ||
1999-2003 | ||
2003-2007 | Virginia Aleman Arraztio | EA |
2007-2011 | Virginia Aleman Arraztio | Nafarroa Bai |
2011- | Garbiñe Elizegi Narbarte | Bildu |
Udaletxea
Gaur egun udaletxea ezartzen den gunea, Urdazubiko monasterioaren jabetza izan zen XVII. mendearen amaierara arte. Eraikinak estilo barroko-klasikoa dauka eta inguruko harri gorri ilunezko fatxada dauka. 1986 eta 1987. urteen artean eraikina erabat zaharberritu zen, bai barrutik zein kanpotik, eta 63 milioi pezeta inbertitu ziren.
Udaletxea alkatea eta hamalau zinegotzik osatzen dute.
- HELBIDEA: Foruen Plaza z/g
Zinpeko alkateak
Baztan osatzen duten 15 herriek zinpeko-alkate bana dute. Zinpeko alkateak eguberri aurreko igandean hautatzen dira bi urteko agintaldirako.
Batzar Nagusia
Baztango administrazio erakunde gorena da. Bere eginkizun nagusia herrilurrak (azaleraren %84) zaindu eta gobernatzea da. Batzar Nagusia honako hauek osatzen dute: Udaleko alkateak, hamabi zinegotziek, hamabost herrietako alkateek eta lau junteroek (Baztango Unibertsitateko kuartel bakoitzetik bat). Kuartelak hauek dira: Baztangoiza (Arizkun, Azpilkueta, Erratzu), Elizondo (Elbete, Elizondo, Lekaroz), Erberea (Arraioz, Gartzain, Irurita, Oronoz-Mugairi) eta Basaburua (Almandoz, Aniz, Berroeta, Ziga). Urtean lau ohiko bilkura egiten ditu.
Ordenantzak
Erdi Arotik Baztango gobernuaren oinarria izan dira. Bertan arautzen dira, besteak beste, herrilurren erabilera, batzarrak, herrietako alkateen izendapena eta eskumenak, auzolanak eta Batzar Nagusiaren antolakuntza.
Batzarrea
Auzokoen bilera da, haraneko 15 herrietako bakoitzean egiten dena. Bertan aztertzen dira herrian zein Baztanen interes publikoa duten gaiak.
Hezkuntza
- Baztango Udal Haur Eskola. Elizondoko Merkatuzelai auzo berrian dago.
- Elizondoko San Frantzisko Xabier Ikastetxe Publikoa.
- Baztan Ikastola. Elizondoko Mendinueta bidean dago.
- Almandoz, Amaiur, Arizkun, Arraioz, Azpilkueta, Erratzu, Gartzain, Irurita, Oronoz eta Zigako herri eskolak.
- Lekaroz-Elizondo Bigarren Hezkuntzako Institutua.
- Baztango Udal Musika Eskola.
- AEKren Suinki Euskaltegia. Elizondoko Jaime Urrutia Karrika, 16. zenbakia.
Azpiegitura eta garraioak
La Burundesa autobus konpainiaren Donostia eta Iruñea bitarteko lineak geltokia dauka Baztango Almandoz herrian. Maiztasunak aldakorrak dira, baina gutxinez bi zerbitzu izaten dira norabi bakoitzean egunero. Lineak honako ibilbidea egiten du:
- Donostia - Irun - Lesaka - Etxalar - Igantzi - Sunbilla - Doneztebe - Narbarte - Belate - Almandoz - Olague - Ostitz - Sorauren eta Iruñea
La Baztanesa autobus konpainiak Erratzu-Iruñea, Erratzu-Donostia eta Iruñea-Hondarribia-Donostia lineak betetzen ditu.
Baztandar ezagunak
- Juan Goienetxe Agerrebere (1741-1813), militar, politikari eta merkatari iruritarra.
- Nikolas Etxeberria Iturralde (1796-1845), apaiz eta euskal idazle berroetarra.
- Anastasio Etxeberri Santxolur (1822-1907), apaiz eta euskal idazle elizondarra.
- Franzisko Laphitz (1832-1905), apaiz eta euskal idazle arizkundarra.
- Damaso Legaz Laurenzena (1838-1902), apaiz eta euskal idazle arizkundarra.
- Juan Kruz Goienetxe Elorga (1857-1925), apaiz eta euskal idazle elbetearra.
- Braulio Iriarte (1860-1932), enpresaburu elizondarra, Mexikon lan egin zuena.
- Paskual Bernardino Biguria (1871-1932), euskal idazle elizondarra.
- Jabier Lazkoz Biguria (1887-1965), apaiz eta idazle elebidun elizondarra.
- Mariano Izeta (1915-2001), euskal idazle eta euskaltzain elizondarra.
- Pello Salaburu (1951-), idazle, irakasle eta euskaltzain arizkundarra, EHUko errektore ohia.
- Leopoldo Jaen Sobrino (1960-), UPNko politikari elizondarra.
- Begoña Sanzberro (1962-), UPNko politikari almandoztarra.
- Mikel Goñi (1977-), pilotari oronoztarra.
- Iñaki Otxandorena (1977-), pilotari mugairiarra.
Erreferentziak
- ↑ a b c d e f Euskal Herriari Begira. Udalbiltza.
- ↑ Nafarroako Gobernua. (2018). Nafarroako Datu Soziolinguistikoak. Euskarabidea, 50-55 or..
- ↑ MSN Weather webgunea.
- ↑ Nafarroako Meteorologi Agentziaren webgunea.
- ↑ Nafarroako Meteorologi Agentziaren webgunea.
- ↑ INEbase / Nomenclátor. Relación de unidades poblacionales
- ↑ Nafarroako toponimia eta mapagintza LII-1-2-3, Baztan-Urdazubi-Zugarramurdi, Nafarroako Gobernua, 1998.
- ↑ Gran Enciclopedia Navarra, Caja de Ahorros de Navarra, 1990.
- ↑ Tiburcio Arraztoa (2010): Laxoa, la pelota en la plaza, Cenlit Ediciones. ISBN 84-96634-60-4.
- ↑ «Bitxikeriak», Doneztebeko Udalaren webgunean. Eskuratze data: 2011-01-13.
- ↑ (Gaztelaniaz) «12 localidades de Baztan-Bidasoa, dentro de la Ruta de la Pelota», Jauregia landa turismoko etxearen webgunean.
- ↑ Baztango Kirol Taldeak
- ↑ C.D.Baztan
- ↑ XABIER XOUBELET: Los primeros años del BRT. Diario de Noticias.
- ↑ Baztango Mendigoizaleak
- ↑ Ttipi-Ttapa: Munduko Sokatira Txapelketan azpitxapeldun izan da Amaiur
- ↑ I-E llama a "sumar" todas las izquierdas frente a UPN, Diario de Noticias, 2011ko maiatzaren 10a.
- ↑ Herri galdeketak egingo ditugu, Gara, 2011ko ekainaren 11.
Kanpo loturak
Wikimedia Commonsen badira fitxategi gehiago, gai hau dutenak: Baztan |
Euskarazko Wikipedian bada atari bat, gai hau duena: Euskal Wikiatlasa |
- (Gaztelaniaz) Baztango Udalaren webgune ofiziala
- (Gaztelaniaz) Baztan Auñamendi entziklopedian
- "Ttipi-ttapa" eskualdeko euskarazko hedabidea
- baztango haizegoa bloga
- Baztango euskal idazleen berri laburra izeneko artikulua zubitegia.armiarma.com web gunean
- Baztango bazterren sorpresak Argia.com webguneko artikulua.
- (Gaztelaniaz) Baztani buruzko informazioa Nafarroako gobernuaren webgunean.
- (Gaztelaniaz) Baztango Kirol Taldeen webgunea
Baztanaldeko udalerri aurkibidea | ||
---|---|---|