Clitocybe obsoleta
| Clitocybe obsoleta | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Clitocybe |
| Espeziea | Clitocybe obsoleta Quél., 1872 |
Clitocybe obsoleta Tricholomataceae familiako onddo espezie bat da.[1] Ez dakigu toxikoa edo janezina den.
Deskribapena[aldatu | aldatu iturburu kodea]
Kapela: 4 eta 7 cm bitarteko diametrokoa, ganbila, argizari-itxurakoa, ildaskatu gabea, uniformeki buztin kolorekoa edo haragi-arrexka kolorekoa, beix-okre antzeko kolorekoa zimurtzean.
Orriak: Zuri zikin kolore batekoak, estu, ia dekurrenteak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: 5 cm inguruko garaierakoa eta 0,5 cm inguruko lodierakoa, kapelaren antzeko kolorekoa, elastikoa, barnehutsa.
Haragia: Zuria. Anisaren usaina bakarrik izaten du, baina nahiko ahula. [2]
Etimologia: Clitocybe hitza grekotik dator, burua esan nahi du, kapelaren formagatik. Obsoleta epitetoa, zaharkitua, zahartzea, esan nahi duen "obsolésco" hitzetik dator. Karpoforoak zimel-itxura, zimurtua, apala duelako.
Jangarritasuna[aldatu | aldatu iturburu kodea]
Ez da jangarria.
Nahasketa arriskua[aldatu | aldatu iturburu kodea]
Konfusio izugarria dago Clitocybe obsoleta, Clitocybe fragrans eta Clitocybe suaveolens espezieen artean, guztiak anis usainekoak, eta ezinbestekoa da ADN analisia.
Sasoia eta lekua[aldatu | aldatu iturburu kodea]
Udaren amaieran eta udazkenean. Koniferoen azpian batez ere.
Banaketa eremua[aldatu | aldatu iturburu kodea]
Mendebaldeko Kanada eta Ameriketako Estatu Batuak, Europa.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 138 or. ISBN 84-282-0865-4..
Kanpo estekak[aldatu | aldatu iturburu kodea]
Datuak: Q21157112
Multimedia: Clitocybe obsoleta / Q21157112