Boletus pseudoregius

Wikipedia, Entziklopedia askea
Boletus pseudoregius
Boletus pseudoregius (leg Redeuilh2).jpg
Sailkapen zientifikoa
ErreinuaFungi
KlaseaAgaricomycetes
OrdenaBoletales
FamiliaBoletaceae
GeneroaButyriboletus
Espeziea Butyriboletus pseudoregius
Mikologia
Pores icon.png 
poroak himenioan
Convex cap icon.svg 
txapel ganbila
Free gills icon2.svg 
himenioa askea da
Bare stipe icon.png 
hanka biluzik dago
Olive spore print icon.png 
espora olibak dauzka
Mycorrhizal ecology icon.png 
mikorrizak eratzen ditu
Edible toxicity icon.svg 
jangarria da

Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Boletus pseudoregius (Butyriboletus pseudoregius) Boletaceae familiako onddoa da.[1]

Sinonimoa: Boletus speciosus

Deskribapena[aldatu | aldatu iturburu kodea]

Kapela: 5 eta 14 (18) cm. arteko diametrokoa, globo formakoa edo hemisferikoa eta gero, ganbiletik ganbil-lautura, ertza pixka bat soberakinekin, makurretik laura eta gingildun-bihurgunetsua zahartzean. Azala zati txikitan bereizten da, iletsua da, baina gero joan egiten zaio, arrosa-andere-mahats kolorekoa, zenbait tonu purpura-arrosekin, eta gero arrosa-okreak.

Tutuak: Finak, itsatsiak, baina hutsune biribil batekin oinaren jiran, hori bizitik hori-beix kolorekoak.

Poroak: Txikiak, biribilduak, tutuen kolorekoak eta berde-urdin kolorea hartzen dute hatsarekin sakatzean.

Hanka: 5-15 x 2-5 cm-koa, oboidea eta zahartzean zilindriko-klabiformea, baina beti erraboilduna oinarrian; horixka goian eta kapelaren kolorea oinarrian eta erdiko zati batzuetan; oinaren koloreko sare finez estalita dago.

Haragia: Zuri-horixka, azalaren azpian tonu gorrixkak ditu, oinekoa horia da, eta tonu gorrixkak, kortexean, galerietan eta oinaren oinarrian, moztean urdindu egiten da; usain eta zapore atseginekoak.[2]

Etimologia: Boletus terminoaren etimologia eztabaidagarria da. Pseudoregius epitetoa berriz latinezko regius, errealetik eta grezierazko antzeko-tik, boletus regius delakoaren oso antzekoa delako.

Jangarritasuna[aldatu | aldatu iturburu kodea]

Jangarri bikaina, oina izan ezik, pixka bat larrukara baita.[3]

Nahasketa arriskua[aldatu | aldatu iturburu kodea]

Boletus appendiculatus-ekin nahas daiteke.

Sasoia eta lekua[aldatu | aldatu iturburu kodea]

Boletus pseudoregius

Hostozabalen basoetan agertzen den espezie berozalea da, haritz, arte eta pagoetan batez ere.

Banaketa eremua: Europa eta Ipar Carolina.

Erreferentziak[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Zuzendaria Fernando Pedro Pérez, Kultura Saila, Eusko Jaurlaritza
    Bizkaiko Perretxiko eta Onddoak, 2012ko Abendua, A.D.E.V.E, Argazkiak:Fernando Pedro Pérez, Maite Legarra, Xabier Leizaola, Jon Urkijo, Nerea Aurtenetxe.
  2. (Gaztelaniaz) Palacios Quintano Daniel. (2014). Disfrutando con las setas.. Leitzaran, Grafikak S.L. Andoain, Gipuzkoa, 166 or. ISBN 978-84-617-0196-4..
  3. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 491 or. ISBN 84-282-0540-X (T.2). ISBN: 84-282-0538-8 (O.C.)..

Kanpo estekak[aldatu | aldatu iturburu kodea]