Ezkotxo hori

Wikipedia, Entziklopedia askea
Ezkotxo horia
2011-06-17 Hygrocybe cantharellus 69428 cropped.jpg
Sailkapen zientifikoa
ErreinuaFungi
KlaseaAgaricomycetes
OrdenaAgaricales
FamiliaHygrophoraceae
GeneroaHygrocybe
Espeziea Hygrocybe cantharellus
Murrill, 1911

Ezkotxo horia (Hygrocybe cantharellus) Hygrophoraceae familiako onddo espezie bat da.[1]

Jan daiteke, baina haragi urria du eta zapore desatseginekoa.

Deskribapena[aldatu | aldatu iturburu kodea]

Kapela: 1,5 eta 4 cm bitarteko diametrokoa, lehenbizi kanpai itxurakoa edo ganbila, ondoren erdigunean hondoratua, konikoa inoiz ere ez. Gorri-eskarlata kolorekoa gaztetan, zahartzean gogor horitzen dira. Ertza izurtua.

Orriak: Lehenbizi zuriak edo zurixkak, gero horixkak, horia gogor nabarmentzen da oinean; lodiak, zabal eta oso dekurrenteak.

Orri dekurrenteak: Hanka ukitzeaz gain, beherantz jarraitzen duten orriak.

Hanka: 2 eta 6 cm bitarteko garaierakoa eta 0,3 eta 0,6 cm bitarteko lodierakoa. Kapelaren kolore berekoa, hori-urre koloreko tonalitateekin. Lehenengo barrubetea, gero hutsa, hauskorra.

Haragia: Oso gutxi eta zapore desatseginekoa.[2]

Etimologia:Hygrocybe terminoa grekotik dator eta kapela bustiarekin esan nahi du. Cantharellus epitetoa, Cantharellus baten antza duelako.

Jangarritasuna[aldatu | aldatu iturburu kodea]

Jan daiteke, baina sukaldaritzako baliorik gabea da.[3]

Nahasketa arriskua[aldatu | aldatu iturburu kodea]

Hygrocybe miniata delakoarekin, hau bereizten da orriak ez direlako zuriak eta kapelaren kolorea Hygrocybe cantharellus-en aldean gorriagoa duelako. Hygrocybe coccineocrenata espezieak forma bera du, kapelan ere kolore bera du puntutxo beltz-arrexkez zipriztindua eta oina horitu egiten da behealdean.

Sasoia eta lekua[aldatu | aldatu iturburu kodea]

Udazken aurreratuan. Belar handiko zelaietan, ebaki aurretik.[4]

Banaketa eremua[aldatu | aldatu iturburu kodea]

Ipar Amerika, Erdialdeko Amerika, Karibe itsasoaren eremua, Europa, Errusia, Japonia, Himalaiako eremua, Australia, Zeelanda Berria.

Erreferentziak[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
  2. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 414 or. ISBN 84-404-0530-8..
  3. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 445 or. ISBN 84-282-0541-X (T. 3). ISBN: 84-282-0538-8 (O.C.)..
  4. (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 110 or. ISBN 84-282-0865-4..

Kanpo estekak[aldatu | aldatu iturburu kodea]