Suge-ziza zuriska

Wikipedia, Entziklopedia askea
Suge-ziza zuriska
Psathyrella candolleana 060801wa.jpg
Sailkapen zientifikoa
ErreinuaFungi
KlaseaAgaricomycetes
OrdenaAgaricales
FamiliaCoprinaceae
GeneroaPsathyra (en) Psathyrella
Espeziea Psathyrella candolleana
Maire, 1938
Mikologia
Edible toxicity icon.svg 
jangarria da

Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Suge-ziza zuriska edo drosofila zuriska (Psathyrella candolleana) Coprinaceae familiako onddo espezie bat da.[1]

Sinonimoa: Drosophila candolleana.

Ez da kontsumitzen, haragi urria du eta kalitate txikikoa.

Deskribapena[aldatu | aldatu iturburu kodea]

Kapela: 2 eta 5 cm bitarteko diametrokoa, kolore zurixkakoa, eguraldi lehorrean, erdigunean okre samarra, ez oso mamitsua, kanpai itxurakoa, ia laua, heltzean titi pixka batekin, gainazala pruinaduna hasieran, ondoren leuna. Ale gazteetan errezelaren hondarrak ditu ertzean.

Orriak: Estu, meheak, eskotatuak, ertz esteril batekin; hasieran lila kolorekoak, ondoren arrosa-moreak eta bukaeran arre-purpurak.

Hanka: Hauskorra, barnehutsa, 3 - 6 x 0,2 - 0,4 cm-koa, zuria, errezel hondarrekin, zilindrikoa, oinarrirantz pixka bat lodituta, fibrilosoa, goialdean ildaskatua.

Haragia: Zuria, mehea, ahula, hauskorra, usain eta zaporerik gabea.[2]

Etimologia: Candolleana epitetoak Agustin Pyramus de Candolle botanikari suitzarra aipatzen du.

Jangarritasuna[aldatu | aldatu iturburu kodea]

Jateko ona, baina ez da mamitsua eta zapore gutxikoa da sukaldean estimua izateko.[3]

Nahasketa arriskua[aldatu | aldatu iturburu kodea]

Psathyrella hydrophila delakoarekin, baina hau arrexka da. Drosophila proxima oso antzeko espezie txiki bat da.[4]

Sasoia eta lekua[aldatu | aldatu iturburu kodea]

Udaberrian eta udazkenean, parke, lorategi eta zelaietan, hainbat zuhaitzen motzondoetan, basoko bideen ondoan, gehienetan ale askoko taldeetan.[5]

Banaketa eremua[aldatu | aldatu iturburu kodea]

Mundu osoa.

Erreferentziak[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Zuzendaria Fernando Pedro Pérez, Kultura Saila, Eusko Jaurlaritza
    Bizkaiko Perretxiko eta Onddoak, 2012ko Abendua, A.D.E.V.E, Argazkiak:Fernando Pedro Pérez, Maite Legarra, Xabier Leizaola, Jon Urkijo, Nerea Aurtenetxe.
  2. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 385 or. ISBN 84-404-0530-8..
  3. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 185. or. ISBN 84-282-0253-6 (T.I). ISBN: 84-282-0538-8 (O.C.)..
  4. (Gaztelaniaz) Palazon Lozano Fernando. (2006). Setas para todos. JoseLuis Añanos Echo Editorial Pirineo, 382 or. ISBN 84-87997-86-4..
  5. (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 268 or. ISBN 84-282-0865-4..

Kanpo estekak[aldatu | aldatu iturburu kodea]