Inocybe grata

Inocybe grata
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Inocybaceae
Generoa	Inocybe
Espeziea	Inocybe grata [[|]]

Inocybe grata Inocybaceae familiako onddo espezie bat da. Ez da ezagutzen jangarritasuna.

Deskribapena

Kapela: 3 eta 5 cm bitarteko diametrokoa, lehenengo hemisferikoa, gero ganbila, bukaeran laua titi kamuts batekin. Azala hasieran glabroa, gero ezkata fin batzuekin, okre zurbil kolorekoa edo marroi-okre antzekoa.

Orriak: Nahiko lodiak, sabeldunak, itsatsiak. Hasieran zurixkak, gero okre-oliba kolorekoak eta zahartzean marroi-azafrai kolorekoak. Ertz zurbila eta koskaduna.

Hanka: 4 eta 6 cm bitarteko garaierakoa eta 0,5 eta 1,2 cm bitarteko lodierakoa, zilindrikoa, zurixka goian, pruinaduna, gainerakoa kapelaren kolore berekoa, fibrilosoa, oinarria gorri-ardo kolorez zikindua.

Haragia: Sendoa, lodia, zurixka kapelan eta okre samarra oinean. Geranio usaina du eta zapore mikatza.

Etimologia: Inocybe terminoa, muskulua, nerbioa, zuntza esan nahi duen "is inós" hitzetatik eta burua esan nahi duen "cybe" hitzetik dator; hau da, zuntzezko kapela.

Jangarritasuna

Ezezaguna. Bada ez bada ez jan, gainera zapore mingotsa du.

Nahasketa arriskua

Ezaugarri makroskopikoak espezie hau identifikatzeko: Titi gutxiko kapela, ganbila, zuntzexka finekin, oin lodia eta oinarrian gorrixkaz zikindua.

Sasoia eta lekua

Udazkenean, koniferoen basoetako soilguneetan.

Banaketa eremua

Euskal Herria, Suedia, Danimarka.

Kanpo estekak

• Datuak: Q107802730