Morchella rudis
| Morchella rudis | |
|---|---|
| Sailkapen zientifikoa | |
| Erreinua | Fungi |
| Klasea | Pezizomycetes |
| Ordena | Pezizales |
| Familia | Morchellaceae |
| Generoa | Morchella |
| Espeziea | Morchella rudis Boud., 1897 |
Morchella rudis Morchellaceae familiako onddo espezie bat da.[1] Toxikoa gordinik, baina jateko ona, ondo eginda badago.
Sinonimoak: Morchella umbrina var. macroalveola, Morchella esculenta var. rudis.
Deskribapena[aldatu | aldatu iturburu kodea]
Kapela: 3 eta 4 cm bitarteko garaierakoa, gaztetan ia erabat biribila, garatzen denean oblongoa edo pixka bat oboidea bihurtzen da. Hasieran, ikatza bezain beltza, ondoren, zahartzaroan, marroi-okre antzekoa hartzen du. Saihetsak, microalveola aldaeran baino lodiagoak ditu, nekrosiagatik berehala furfurazeoak. Albeolo biribilduak, karpoforoaren tamainarekin alderatuta oso handiak.
Hanka: Leuna, oinarrian lodixeagoa, zahartzean nekrosiagatik okre antzeko kolorekoa.
Haragia: Zurixka, usain eta zapore atseginekoa.[2]
Etimologia: Morchella terminoa "morchel" hitzetik dator, onddoetarako alemaniar hitz zahar batetik.
Jangarritasuna[aldatu | aldatu iturburu kodea]
Jateko ona, baina toxikoa gordinik.[3]
Nahasketa arriskua[aldatu | aldatu iturburu kodea]
Morchella umbrina var. microalveola ere badago, honek albeolo txiki asko ditu.
Sasoia eta lekua[aldatu | aldatu iturburu kodea]
Udaberriaren hasieran, udazkenean gutxitan; hostozabalen basoetako leku heze eta epeletan eta lurzoru hareatsuetan, batez ere lizarren, zumarren eta haritzen azpian, gutxiago arteen azpian.
Banaketa eremua[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 721 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
Kanpo estekak[aldatu | aldatu iturburu kodea]
Datuak: Q80915839