Tricholoma fracticum
| Tricholoma fracticum | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Tricholoma |
| Espeziea | Tricholoma fracticum Kreisel, 1984 |
Tricholoma fracticum Tricholomataceae familiako onddo espezie bat da.[1] Ez da jangarria, oso mingotsa baita, eta denbora luzez egosita ken daiteke, baina ez du merezi, kalitate txikiko jangarri bat besterik ez baitugu lortuko.
Sinonimoa: Tricholoma bastschii.
Deskribapena[aldatu | aldatu iturburu kodea]
Kapela: 8 eta 12 cm bitarteko diametrokoa, sendoa, mamitsua, ganbila, lau-ganbila, azkenean pixka bat deprimitua, ertza biribildua, izurtua eta leuna. Azal leuna, eguraldi hezean pixka bat likatsua, distiratsua, zetaduna, haritsu samarra, arre-gorrixka koloretik gaztaina kolore ilunera doana.
Orriak: Ugari, estu, eskotatuak, zuriak, ale zaharretan orban arre-gorrixkekin.
Orri eskotatuak: Oinera iritsi baino lehentxeago eskote txiki bat duten orriak.
Hanka: Lodia, haragitsua, nahiko laburra, zilindrikoa, haritsua, okertua eta sustrai antzekoekin, erliebe txiki batez ondo markatutako eraztun itxurako zuria goialdean, eraztun eremuaren azpia, kapela bezala, arre-gorrixka kolorekoa da.
Haragia: Trinkoa, zuria, irin usainekoa eta zapore mikatzekoa.[2]
Etimologia: Tricholoma hitza grekotik dator, ilea, txirikorda, lumatxarekin tolesturan zehar, nahiz eta espezie gutxi batzuek baino ez dituzten iledun kapelak.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Tamainagatik pinudietako azikulen artean nabarmentzen den espeziea da, eta oso hurbil dauden beste espezie batzuetatik bereizten da, ale gazteek ongi markatutako eraztun-eremu zuria dutelako.
Sasoia eta lekua[aldatu | aldatu iturburu kodea]
Udazkenean sortzen da, Pinus pinaster-reko pinudietako pinu-lumen azpian.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Mexiko, Europa, Errusia, Kanariak, Kaukasia, Israel, Hegoafrika, Australia, Zeelanda Berria.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 160 or. ISBN 84-282-0865-4..
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ Tricholoma fracticum: GBIF—the Global Biodiversity Information Facility.
