Bolbitius lacteus
| Bolbitius lacteus | |
|---|---|
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Bolbitiaceae |
| Generoa | Bolbitius |
| Espeziea | Bolbitius lacteus J.E.Lange, 1940 |
Bolbitius lacteus Bolbitiaceae familiako onddo espezie bat da.[1]
Sinonimoak: Conocybe apala, Conocybe lactea, Conocybe albipes, Conocybe lateritia, Bolbitius albipes, Bolbitius tener
Deskribapena[aldatu | aldatu iturburu kodea]
Kapela: 10 a 15 mm bitarteko diametrokoa, konikoa, baina kanpai-itxurakoa bihurtzen da eta gero zabaldu egiten da lau-ganbilera. Ertza ildaskatua. Kapelaren azala likatsu samarra, okre oso zurbila bihurtzen den zuria, ertz okre antzeko-grisaxka zurbil kolorekoa edo batzuetan pixka bat arrosakara.
Orriak: Libreak, estuak eta estu samar, zuritik krema kolorera doazenak, heltzean gorrixkak bihurtzen dira.
Orri libreak: Oinera hurbiltzen diren orriak, baina ukitzen ez diotenak.
Hanka: luzea, mehea, askotan flexiblea eta ezkata fin-finekin, krema kolorekoa bihurtzen den zuria.
Haragia: Urria, zuria edo zurixka. Usain ahulekoa edo usaingabea.[2]
Etimologia: Bolbitius terminoa latinetik dator, idi-simaurretan, esan nahi duen " bolbitius" hitzetik. Bere hazkuntza-giroa dela eta. Lacteus epitetoa ere latinetik dator, zurixka esan nahi duen "lacteus" hitzetik. Kolore argia duelako.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Conocybe pubescens delakoarekin nahas daiteke, honen kapela lautu egiten da, oina laburragoa eta trinkoagoa du. Marasmius oreades espeziearekin ere bai, hau handiagoa da, kapela ganbila eta krema koloreko orriak ditu.[4]
Sasoia eta lekua[aldatu | aldatu iturburu kodea]
Udaberrian eta udazkenean. Belardi nitrofiloetan edo simaurra dagoen lekuetan.
Banaketa eremua[aldatu | aldatu iturburu kodea]
Mendebaldeko Kanada, Europa, Errusia.[5]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 260 or. ISBN 84-282-0865-4..
- ↑ (Gaztelaniaz) Velaz Vergara José Ignacio, Suarez Gil Angela. (2009). Banco de setas.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Bolbitius lacteus: GBIF—the Global Biodiversity Information Facility.
