Cerioporus corylinus
Cerioporus corylinus | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Polyporales |
Familia | Polyporaceae |
Generoa | Polyporus |
Espeziea | Polyporus corylinus Mauri, 1834 |
Cerioporus corylinus Polyporaceae familiako onddo espezie bat da.[1] Ale gazteak bakarrik kontsumitzea gomendatzen da, helduak larrukarak eta mikatzak bihurtzen dira.
Sinonimoak: Polyporus corylinus, Melanopus tunetanus, Polyporus tunetanus.
Deskribapena[aldatu | aldatu iturburu kodea]
Kapela: 3 eta 8 cm bitarteko diametrokoa. Hasieran krema- zuri kolorekoa, gero okrea, ezkatatsua, batez ere zahartzaroan; erdian mamitsua, ertz mehea, irregularra, inkurbatua, gero laua edo erdian deprimitua.
Tutuak: Zuriak, laburrak, 2 eta 4 mm bitartekoak, dekurrenteak,
Tutu dekurrenteak: Hanka ukitzeaz gain, beherantz jarraitzen duten tutuak.
Poroak: Hasieran txikiak, gero zabalak, poligonal formakoak.
Hanka: 3 eta 7 cm bitarteko luzerakoa, zuri-okre kolorekoa, leuna, biribila, inkurbatua. Gehienetan erdian edo zertxobait eszentrikoa, beste batzuetan ia alboan; oso lurperatuta egon daiteke edo lur azalean.
Haragia: Zuria, flexiblea, gaztetan samurra, usain ahulekoa eta zapore atseginekoa. Zahartzean larrukara eta mikatza bihurtzen da.[2]
Etimologia: Polyporus terminoa grekotik dator, ugari, asko, esan nahi duen "poly" hitzetik eta poro, urrats, esan nahi duen "póros" hitzetik. Poro ugarirekin.
Jangarritasuna[aldatu | aldatu iturburu kodea]
Gaztetan jateko ona da; pixka bat zahartuta edo lehorrak biltzen badira, oso larrukarak dira.[3]
Nahasketa arriskua[aldatu | aldatu iturburu kodea]
Habitata kontuan hartzen bada oso zaila da beste batekin nahastea.
Sasoia eta lekua[aldatu | aldatu iturburu kodea]
Udaberrian eta udan. Euri ugari egin ondoren gurbitzak (Arbutus unedo) erretako lekuetan. Talde txikitan asko ateratzen dira, banan-banan, erretako gurbitzen sustraietan hazten da.
Banaketa eremua[aldatu | aldatu iturburu kodea]
Euskal Herria, Alemania.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 630 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.