Coprinopsis romagnesiana
Coprinopsis romagnesiana | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Psathyrellaceae |
Generoa | Coprinopsis |
Espeziea | Coprinopsis romagnesiana |
Coprinopsis romagnesiana Psathyrellaceae familiako onddo espezie bat da.[1]
Sinonimoak: Coprinus romagnesiuanus, Coprinus atramentarius var. squamosus.
Deskribapena[aldatu | aldatu iturburu kodea]
Kapela: 4 eta 6 cm bitarteko diametrokoa, azpi-mintzezkoa, luzaroan kanpai itxurakoa, gris-lehoi kolorekoa, zurbilagoa ertzerantz, ezkatak estu. Arre-oliba antzeko kolorekoak, azkenik diskoan disoziatu-areolatua; ertz ezkatatsuarekin.
Orriak: Estu, zabalak, sabeldun samarrak, mehetu-itsatsiak edo ia libreak, lehenbizi zurixkak, gero purpura- beltzaxkak, askenik beltzak eta poliki-poliki delikueszenteak.
Hanka: 6 eta 9 cm bitarteko garaierakoa eta 0,7 eta 1 cm bitarteko diametrokoa, muindun-barrubetea, zilindrikoa, pixka bat loditua oinarrirantz, haritsu-zaila edo baita fusiformea ere, arre-ilun kolorekoa eraztunaren azpitik eta ezkata arreekin; zuri zetaduna, ildaskatua edo leuna eraztunetik gora. Eraztuna behean, urratua, iheskorra, iluna.
Haragia: Zuria, gorrixka kapelako hausturetan, oinean arrexka kolore pixka bat hartuaz. Urria.[2]
Etimologia: Coprinus hitza grezieratik dator, “coprinus” hitzetik, eta simaurrari dagokiona. Simaurretan hazten dena, esan nahi du. Squamosus epitetoa berriz latinetik dator, ezkatatsua esan nahi duen “squamosus” hitzetik. Oineko ezkatengatik,
Jangarritasuna[aldatu | aldatu iturburu kodea]
Jangarria, baina Coprinus atramentarius delakoarentzat emandako erreserbarekin, ez da alkoholdun edariekin kontsumitu behar, larruazaleko nahasmendu gogaikarriak eragin ditzakeelako.[3]
Nahasketa arriskua[aldatu | aldatu iturburu kodea]
Marroi edo gris koloreko Coprinus atramentarius bat da, hankaren behealdean ezkatak dituena,
Sasoia eta lekua[aldatu | aldatu iturburu kodea]
Soropildua lurzoru koipetsuetan, edo zuhaitzen sustraien inguruan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Mexiko, Alaska, Ekuador, Txile, Argentina, Europa, Turkia, Kaukasia, Hegoafrika, Errusia, Himalaiako eremua.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 53 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) Velazquez Vergara José Ignacio, Suarez Gil Angela. (2009). Catalogo micológico. Banco de setas.
- ↑ Coprinopsis romagnesiana: GBIF—the Global Biodiversity Information Facility.