Cortinarius hinnuloides
| Cortinarius hinnuloides | |
|---|---|
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius hinnuloides Rob.Henry, 1941 |
Cortinarius hinnuloides Cortinariaceae familiako onddo espezie bat da.[1]
Sinonimoa: Hydrocybe hinnuloides.
Deskribapena
[aldatu | aldatu iturburu kodea]Kapela: 4 eta 8 cm bitarteko diametrokoa, hori-okre kolorekoa, gero hori-gorrixka, beltzez jaspeztatua ertz fibriloso zetatsu samarrarekin, oso kanpai itxurakoa, erdian ia puntazorrotza.
Orriak: Zaintsu-bateratuak, anastomizatuak, oso zabalak orritxo askorekin, itsatsiak, arrexkak edo arre-gorrixkak.
Hanka: Okre-lasto kolorekoa, horixka-gorrixka, zilindrikoa, oinarrirantz lodituaz, kapelaren kolorekoa, fibrilosoa errezelen hondakin zurixkekin, batez ere oinarrirantz.
Haragia: Usain atseginarekin, laranja lorearen antzekoa, arrexka kolorekoa.[2]
Etimologia: Cortinarius hitza gortinatik dator, gortina eta guzti, errezelaren hondakin bereizgarriak direla eta. Hinnuleoides epitetoa latinetik, oreinkume esan nahi duen “hinnuleus” hitzetik. Oreinkumearen larruaren antzeko kolorea duelako, beraz, Cortinarius hinnuleus-aren itxura du.
Jangarritasuna
[aldatu | aldatu iturburu kodea]Ez da jangarria.
Nahasketa arriskua
[aldatu | aldatu iturburu kodea]Cortinarius hinnuleus oso antzekoa da, baina honek usain txarra du, lurrarena.
Sasoia eta lekua
[aldatu | aldatu iturburu kodea]Udan eta udazkenean. Koniferoen basoetan.
Banaketa eremua
[aldatu | aldatu iturburu kodea]Euskal Herria, Frantzia, Austria, Eslovenia, Estonia, Alpeak, Irlanda, Erresuma Batua.[3]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 191 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Cortinarius hinnuloides: GBIF—the Global Biodiversity Information Facility.
