Cortinarius subtortus
| Cortinarius subtortus | |
|---|---|
_Fr_39724.jpg) | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius subtortus Zaw., 1835 |
Cortinarius subtortus Cortinariaceae familiako onddo espezie bat da.[1]
Deskribapena[aldatu | aldatu iturburu kodea]
Kapela: 3 eta 6 cm bitarteko diametrokoa. Esferikoa edo erdi-esferikoa, gero laua, pixka bat likatsua eguraldi hezearekin, lehorrarekin opakua, apur bat fibrilosoa, azkenik zimurtua, ertza beherantz bihurritua, horixka-lehoi kolorekoa.
Orriak: Nahiko zabal, zabalak, pixka bat lodiak, itsatsi-unziformeak edo zertxobait dekurrenteak, iletsuak (zistidio ugariren ondorioz); gris-oliba antzeko kolorekoak, gero arre-oliba antzeko kolorekoak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: 5 eta 10 cm bitarteko garaierakoa eta 0,8 eta 1,5 cm bitarteko lodierakoa. Borra formakoa edo zilindriko luzanga gora mehetua, askotan bihurritua, arre-okre antzeko kolorekoa, oliba antzekoa goialdera. Gortina iheskorra zuri-horixka kolorekoa.
Haragia: Zurixkatik okre zurbilera doan kolorekoa, pixka bat mikatza, intsentsu usaina edo zedro-zurarena izaten du.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta. Subtortus epitetoa latinetik dator, okerra, bihurritua, esan nahi duen "tortus" hitzetik. Zertxobait bihurritua duelako oina.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Zedro-zuraren usain bereizgarria jariatzen du, eta identifikatzen laguntzen du.
Sasoia eta lekua[aldatu | aldatu iturburu kodea]
Udan eta udazkenean. Mendiko koniferoen basoetan, leku urtsuetan, mendiko zohikaztegietan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Europa, Errusia, Alpeak.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 204 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 171 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ Cortinarius subtortus: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q10475342
Multimedia: Cortinarius subtortus / Q10475342