Cystolepiota sistrata
| Cystolepiota sistrata | |
|---|---|
_Singer_ex_Bon_&_Bellù_250419.jpg) | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Agaricaceae |
| Generoa | Cystolepiota |
| Espeziea | Cystolepiota sistrata |
| Basionimoa | Agaricus sistratus |
Cystolepiota sistrata Agaricaceae familiako onddo espezie bat da.[1]
Sinonimoak: Lepiota sistrata, Fusipora sistrata, Lepiota seminuda.
Deskribapena
[aldatu | aldatu iturburu kodea]Kapela: 25 mm arteko diametrokoa, hasieran hemisferikotik konikora, gero lau-ganbila edo zabaldua, askotan titi txiki bat mantenduz; ertza zorrotza, soberakin pixka batekin, errezel orokorraren hondar zuri zabalez estalita; kapelaren azala hasieran flokonoso-garatxoduna, gero pikortsua edo pruinadun-irineztatua, zuria, krema zurixka kolorekoa, diskoan krema-arrosa kolorekoa.
Orriak: Estu, estuak, libreetatik azpi-libreetara, ertza osoa, lehenbizi zuriak, helduaroan krema-horixka kolorekoak.
Orri libreak: Oinera hurbiltzen diren orriak, baina ukitzen ez diotenak.
Hanka: 60 mm arteko garaierakoa eta 4 mm arteko diametrokoa, zilindrikoa, pixka bat lodiagoa oinarrirantz, gainazala fin pubeszentea goialdean, pruina zuriz azpitik, zahartzean goialdean glabroa, zurixkatik krema-zurixkara, azpitik eta oinarrirantz, batez ere sakatzean, arrosa-ardo kolorekoa, baita purpura-gorrixka kolorekoa ere.
Haragia: Hauskorra, mehea, krema-zurixka kolorekoa kapelan; arrosa-ardo kolorekoa oinean; usain eta zapore nabarmenik gabea.[2]
Etimologia: Cystolepiota terminoa grezieratik dator, maskuria esan nahi duen "cystis" hitzetik eta Lepiota-tik; kapela pikordun Lepiota baten antzera. Sistrata epitetoa ere grezieratik, ferodeen formakoa, esan nahi duen "sistro" hitzetik.
Jangarritasuna
[aldatu | aldatu iturburu kodea]Ez da jangarria.[3]
Sasoi eta lekua
[aldatu | aldatu iturburu kodea]Udan eta udazkenean. Taldekoia, humusean eta nutrienteetan aberatsak diren lurzoruetan, hostozabalen eta koniferoen azpian. Oso urria.
Banaketa eremua
[aldatu | aldatu iturburu kodea]Kanada, Ameriketako Estatu Batuak, Europa, Errusia, Australia, Kongoko Errepublika Demokratikoa.[4]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 282 or. ISBN 84-282-0865-4..
- ↑ (Gaztelaniaz) Sociedad micológica Barakaldo. Investigación y divulgación de la micologia.
- ↑ Cystolepiota sistrata: GBIF—the Global Biodiversity Information Facility.
Kanpo estekak
[aldatu | aldatu iturburu kodea]
Datuak: Q10465266
Multimedia: Cystolepiota sistrata / Q10465266