Entoloma longistriatum
| Entoloma longistriatum | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Entolomataceae |
| Generoa | Entoloma |
| Espeziea | Entoloma longistriatum Noordel., 1988 |
Entoloma longistriatum Entolomataceae familiako onddo espezie bat da.[1] Ez du balio gastronomikorik.
Sinonimoa: Rhodophyllus sarcitulus.
Deskribapena[aldatu | aldatu iturburu kodea]
Kapela: Higrofanoa, 1 eta 4 cm bitarteko diametrokoa hasieran kanpai itxurakoa, gero zabaldu egiten da erdian pixka bat hondoratua; ildaskatua hezea dagoenean eta maiz ezkata txikiekin. Arrexka-horixka kolorekoa, lehortzean zurbildu egiten da.
Orriak: Hasieran zurixkak, gero zikinak eta azkenean tonu arrosa-haragi kolorekoekin. Kolore berdina du ertzak ere.
Hanka: Liraina, delikatua eta glabroa. Kapelaren antzeko tonu batekoa, baina zurbilagoa, kotoi itxurako oinarriarekin eta zuria. Tonu urdinik gabe.
Haragia: Mehea, gozoa, usain nabarmenik gabea.[2]
Etimologia: Rhodophyllus terminoa grekotik dator, arrosa kolore, esan nahi duen "rhódon" hitzetik eta orria, esan nahi duen "phillon" hitzetik, orrien kolore arrosa aipatuz.
Jangarritasuna[aldatu | aldatu iturburu kodea]
Sukaldaritzako baliorik gabea.
Nahasketa arriskua[aldatu | aldatu iturburu kodea]
Kapelaren kolore uniformeak, goian zertxobait deprimituak, ildaska nabariak, zapore gozoak eta tonu urdinik ez izateak, espeziea bereizi egiten dute.
Sasoia eta lekua[aldatu | aldatu iturburu kodea]
Udazkenean eta neguaren hasieran. Ohikoa da basoen mugetan, belarraren eta bideen ertzaren artean.[3]
Banaketa eremua[aldatu | aldatu iturburu kodea]
Europa, Ipar Amerika.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 392 or. ISBN 84-404-0530-8..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 194 or. ISBN 84-282-0865-4..
Kanpo estekak[aldatu | aldatu iturburu kodea]
Datuak: Q10484673
Multimedia: Entoloma longistriatum / Q10484673