Entoloma mammosum
Entoloma mammosum | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Entolomataceae |
Generoa | Entoloma |
Espeziea | Entoloma mammosum Hesler, 1967 |
Entoloma mammosum Entolomataceae familiako onddo espezie bat da.[1]
Sinonimoak: Nolanea mammosa, Rhodophyllus mammosus, Agaricus mammosus, Latzinaea mammosa.
Deskribapena[aldatu | aldatu iturburu kodea]
Kapela: 2 eta 5 (8) cm bitarteko diametrokoa, koniko-kanpai itxurakoa, gero ganbil-lautua, titi biribil oso nabarmenarekin; arre iluna hezetasunean eta gardentasunez ildaskatua, okre-gris koloretik arre argira doan kolorekoa lehorrean; leuna edo erradialki zimurtua eta ertza barrurantz biribildua denbora askoan.
Orriak: Libreak, soberakoak, gris zurbilak, gero arrosa zikin kolorekoak.
Orri libreak: Oinera hurbiltzen diren orriak, baina ukitzen ez diotenak.
Hanka: 4 eta 12 cm bitarteko garaierakoa eta 0,1 eta 0,3 cm bitarteko diametrokoa, kapelaren kolorekoa, haritsua luzetara, zurixka-flokosoa goialdean, bilotsua oinarrian; tutu itxurakoa.
Haragia: Urtsua, gris-arrexka kolorekoa, lehorrean zurbila, irin zaharraren edo arrainaren usainarekin.[2]
Etimologia: Entoloma terminoa grekotik dator: ertza barrurantz biribildua. Mammosum epitetoa berriz latinetik dator, titia esan nahi duen “mamma” hitzetik. Kapelaren formagatik.
Jangarritasuna[aldatu | aldatu iturburu kodea]
Susmagarria.[3]
Sasoia eta lekua[aldatu | aldatu iturburu kodea]
Batez ere udaberrian. Leku belartsuetan, hostozabalen edo koniferoen basoetan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Europa.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 276 or. ISBN 84-505-1806-7..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 227 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Entoloma mammosum: GBIF—the Global Biodiversity Information Facility.