Lactarius atlanticus
Lactarius atlanticus | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Russulales |
Familia | Russulaceae |
Generoa | Lactarius |
Espeziea | Lactarius atlanticus Bon, 1975 |
Lactarius atlanticus Russulaceae familiako onddo espezie bat da.[1] Usain txarra du, jangarritasuna zalantzazkoa, hobe ez jatea.
Deskribapena[aldatu | aldatu iturburu kodea]
Kapela: 4 eta 8 cm bitarteko diametrokoa, ganbiletik laura eta inbutu forman (batzuetan titi batekin), ertz ildaskatu gabea, inkurbatua, irregularki izurtua. Azal distiratsua, lehorra, zimurtsu samarra, teila kolorekoa (adreilu-gorria).
Orriak: Adnatuak edo zertxobait dekurrenteak, anastomosatuak (elkarri itsatsita), hori-laranja kolorekoak.
Hanka: 5 eta 10 cm bitarteko garaierakoa, kapelaren kolorekoa, zilindrikoa, kurbatua, oinarri bereizgarriarekin, ile gorri txikiz (1-3 mm) eta pruina zuri-okrez estalita dagoelako. Latex zuria, urtsua, urria, mikatza
Haragia: Zurixka. Txikoriaren, zimitzen edo untzaren usain txarra izaten du, zaporea gozoa. Espora-jalkina okre-krema kolorekoa.[2]
Etimologia: Lactarius terminoa "lac" "lactis", esnetik dator, esneari dagokio. Latexa jariatzen dutelako ebakitzean edo haustean
Jangarritasuna[aldatu | aldatu iturburu kodea]
Kalitate txikiko jangarria.[3]
Nahasketa arriskua[aldatu | aldatu iturburu kodea]
Lactarius mitissimus delakoarekin nahas daiteke, honek hostogalkorretan irteten du. Baita Lactarius auranticus espeziearekin ere, hau koniferoetan hazten da.[4]
Sasoia eta lekua[aldatu | aldatu iturburu kodea]
Udazkenean eta neguan. Faszikulatuak hazten dira (oinak elkartuak). Arteen eta artelatzen azpian, sastrakadietan, baso baxuetan. Klima atlantikoetan eta mediterraneokoetan. Oinarrizko lurzoruetan.
Banaketa eremua[aldatu | aldatu iturburu kodea]
Euskal Herria, Frantzia, Espainia, Italia.[5]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 98 or. ISBN 84-282-0865-4..
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Lactarius atlanticus: GBIF—the Global Biodiversity Information Facility.