Skeletocutis amorpha
| Skeletocutis amorpha | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Skeletocutis |
| Espeziea | Skeletocutis amorpha |
Skeletocutis amorpha Polyporaceae familiako onddo espezie bat da.[1] Larrukara da eta ez du janaria prestatzeko balio, baina onuragarria da hildako zura degradatzen duelako.
Sinonimoak: Gloeoporus amorphus, Polyporus amorphus, Polyporus pertenuis.
Deskribapena[aldatu | aldatu iturburu kodea]
Karpoforoa: Erresupinatutik efuso-erreflexura, inbrikatu samarra, goialdea eremu zentrokide zirkularrekin, tomentuduna, zurixka, algek berdez zikinduta egon daitezkeen arren.
Tutuak: Bigunak ale freskoetan, hezetasuna galtzen dutenean gogorrak, hasieran zuriak, baina garatu ahala, kolore horixkatik laranjatura doan tindagaia hartzen dute, biziagoa edo motelagoa, baita izokin kolorea ere.
Poroak: Tutuen kolore berekoak, Amoniakoarekin (NH3) asko gorritzen dira.
Bilbea: Bi geruzek osatua, bata gelatinakara eta goikoa tomentuduna.[2]
Jangarritasuna[aldatu | aldatu iturburu kodea]
Ez da jangarria.
Nahasketa arriskua[aldatu | aldatu iturburu kodea]
Koniferoen beste zarakar batzuekin nahas daiteke.
Oharra: Espezie honen ezaugarri nagusiak hauek dira: bere habitata pinuen zura da, kapelatxoen kolore zurixka, tutuek hartzen duten laranja tonua, eta amoniakoarekin duen erreakzioa.
Sasoia eta lekua[aldatu | aldatu iturburu kodea]
Udazkenean eta neguan, pinuen egurretan. Ohikoa eta urte osoan.[3]
Banaketa eremua[aldatu | aldatu iturburu kodea]
Ipar Amerika, Europa, Errusia, Kazakhstan, Japonia, Txina, Australia, Zeelanda Berria.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 653 or. ISBN 84-404-0530-8...
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
Kanpo estekak[aldatu | aldatu iturburu kodea]
Datuak: Q10510684
Multimedia: Skeletocutis amorpha / Q10510684