Tricholoma viridilutescens
Tricholoma viridilutescens | |
---|---|
Sailkapen zientifikoa | |
Erreinua | Fungi |
Ordena | Tricholomatales |
Familia | Tricholomataceae |
Generoa | Tricholoma |
Espeziea | Tricholoma viridilutescens M.M.Moser, 1978 |
Tricholoma viridilutescens Tricholomataceae familiako onddo espezie bat da.[1] Ez da jangarria.
Deskribapena[aldatu | aldatu iturburu kodea]
Kapela: 4 eta 5 (6) cm bitarteko diametrokoa, nahiko haragitsua, ganbila, laster lau-ganbila, erdiko titi aldakorrarekin, kamutsa, zorrotza baino zabala gehiago, ertz sotilarekin, leuna eta osoa, inbolutua eta gero soberakinekin, lobatua. Azal bereizgarria, likatsu samarra, koipetsua, hori-berdexka, gero erdian hondoko kolore grisa, marroi-oliba antzeko kolorekoa, berezko marroi-beltzaxka edo beltz koloreko zuntz finekin, beti argiagoa, hori-berdexka ertzean.
Orriak: Ez oso estu, marjinatu-adnatuak, luzeak, lamelulekin, zuri-hori kolorekoak, argiagoak kapelaren ertzerantz, ertza kolore berekoa, irregularra eta koskaduna.
Hanka: 5 eta 9 cm bitarteko luzerakoa eta 0,8 eta 1,5 cm bitarteko lodierakoa, luzanga, zilindrikoa, erregularra, batzuetan okertua, lehorra eta haritsu samarra, zuria eta kapelaren ertzaren antzeko koloreko esfumatura horixkekin, grisaxka oinarrirantz.
Haragia: Ez oso trinkoa, ertzean sotila, oinean haritsua, zuria, horia kapelaren azalaren azpian, eta, batzuetan, aireak ukitzean edo zahartzean horixka bihurtzen da. Usaingabea eta zapore gozokoa. Espora-jalkina zuria.[2]
Etimologia: Tricholoma hitza grekotik dator, ilea, txirikorda, lumatxarekin tolesturan zehar, nahiz eta espezie gutxi batzuek baino ez dituzten iledun kapelak.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Pinudietako Tricholoma bat, sejunctum taldeko beste espezie batzuekin nekez eta zalantzazko bereizketa egiten da, kapela zuntz txiki erradial ilunekin eta tonu horixkak edo hori-berdexkak dituelako soilik bereizten da.
Sasoia eta lekua[aldatu | aldatu iturburu kodea]
Bakarrik edo ale gutxiko taldetan hazten da. Koniferoen basoetan, batez ere izeietan (Picea abies) eta pinuetan (Pinus sylvestris), batzuetan urkiekin nahastuta.
Banaketa eremua[aldatu | aldatu iturburu kodea]
Kanada, Europa, Errusia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 156 or. ISBN 84-282-0865-4..
- ↑ (Gaztelaniaz) Velazquez Vergara José Ignacio, Suarez Gil Angela. (2009). Banco de setas. Catalogo micológico.
- ↑ Tricholoma viridilutescens: GBIF—the Global Biodiversity Information Facility.