Agrocybe vervacti
| Agrocybe vervacti | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Strophariaceae |
| Generoa | Agrocybe |
| Espeziea | Agrocybe vervacti Singer, 1936 |
Agrocybe vervacti Strophariaceae familiako onddo espezie bat da.[1] Ez du balio gastronomikorik.
Sinonimoa: Agrocybe pediades var. vervacti.
Deskribapena[aldatu | aldatu iturburu kodea]
Kapela: 2 eta 4 cm bitarteko diametrokoa, ganbiletik zabaldura. Kapelaren azala leuna, lehorra, biguna, gelatinakara, ez da oso higrofanoa, distiratsua eguraldi lehorrarekin, okre-horixka kolorekoa, ilunagoa eta gorrixkagoa erdian.
Orriak: Adnatuak, zabalak, lamelulekin, gaztetan zurixkak eta arre kolorekoak helduaroan.
Hanka: Zuria edo hori argia, zilindrikoa, bihurri samarra, fibrilosoa, liraina, oinarrian erraboilarekin, pixka bat mehetua eta mizelio kordoiekin.
Haragia: Zuria edo okre kolorekoa, usain arinarekin eta zapore fungikoarekin.[2]
Etimologia: Agrocybe hitza, grekotik datorren hitz konposatua da, landa eta burua, zelai burua, esan nahi du. Vervacti epitetoa pertsona izenetik dator.
Jangarritasuna[aldatu | aldatu iturburu kodea]
Interes gastronomikorik gabea.[3]
Nahasketa arriskua[aldatu | aldatu iturburu kodea]
Stropharia coronilla delakoak antzeko kolorea du. Agrocybe pediades ez da gelatinakara.[4]
Sasoia eta lekua[aldatu | aldatu iturburu kodea]
Udazkenean. Normalean talde handietan ateratzen da. Belardietan, larreetan, basoen ertzetan, mediterraneoko sastraketan, dunetan eta hareetan dauden pinudietan ere aipatzen da.[5]
Banaketa eremua[aldatu | aldatu iturburu kodea]
Kanada, Ameriketako Estatu Batuak, Mexiko, Europa, Errusia, Txina, Australia.[6]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 262 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 111 or. ISBN 84-282-0253-6 (T.I). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ (Gaztelaniaz) Sociedad micológica Barakaldo. Investigación y divulgación de la micologia.
- ↑ Agrocybe vervacti: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q10572479
Multimedia: Agrocybe vervacti / Q10572479