Tarzetta cupularis
| Tarzetta cupularis | |
|---|---|
 | |
| Sailkapen zientifikoa | |
| Erreinua | Fungi |
| Klasea | Pezizomycetes |
| Ordena | Pezizales |
| Familia | Pyronemataceae |
| Generoa | Tarzetta |
| Espeziea | Tarzetta cupularis Lambotte, 1887 |
Tarzeta cupularis Pyronemataceae familiako onddo espezie bat da.[1]
Sinonimoak: Pustularia cupularia, Geopyxis cupularis,
Deskribapena[aldatu | aldatu iturburu kodea]
Karpoforoa: Oin gabeko ontzi edo kopa formakoa, dimentsio txikikoa, kasurik onenean 2 edo 3 cm-ko diametrokoa eta altuera berdinera iristen da. Kanpoko gainazala okre-horixka edo oliba antzeko kolorekoa, batzuetan ñabardura grisaxkak izaten ditu, furfurazeoa. Ertza koskaduna edo zerra forman.
Himenioa: Guztiz leuna, karpoforoaren barnealdea estaltzen du, zuri zikin kolorekoa tonu horixkekin.
Hanka: Ia ez du, batzuetan oin apur bat izaten du, baina guztiz lurperatuta eta ia hautemanezina.
Haragia: Urria eta hauskorra, usain eta zapore nabarmenik gabea.[2]
Etimologia: Tarzetta terminoa, italiar “tazzeta” hitzetik, kopa txikiaren transkripzio okerretik. Cupularis epitetoa berriz, barrika txikia, kupula, esan nahi duen “cupula” hitzetik; ziurrenik karpoforoaren itxuragatik.
Jangarritasuna[aldatu | aldatu iturburu kodea]
Interes gastronomikorik gabea.[3]
Nahasketa arriskua[aldatu | aldatu iturburu kodea]
Tarzetta catinus delakoarekin badu nolabaiteko antzekotasuna, badira sinonimoa dela uste duten autoreak ere, hala ere beste batzuk desberdinak direla uste dute, esporak ez direlako berdinak eta makroskopikoki ere desberdinak direla uste dutelako. Cupularis txikiagoa delako eta besteak ez dituen tonu horixkak edo oliba antzekoak dituelako, gainera catinus espezieak oina nabariagoa du, begi hutsez ikusteko modukoa.
Sasoia eta lekua[aldatu | aldatu iturburu kodea]
Udaberrian, nahiz eta udazkenean ere aurki daitekeen. Parkeetan eta lorategietan eta hainbat zuhaitzen azpian hazten da. Ezkien azpian aurkitu izan da.[4]
Banaketa eremua[aldatu | aldatu iturburu kodea]
Kanada, Ameriketako Estatu Batuak, Islandia, Europa, Errusia, Kaukasia, Himalaiako eremua, Zeelanda Berria.[5]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de Vizcaya, 448 or. ISBN 84-505-1806-7..
- ↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
- ↑ (Gaztelaniaz) Sociedad micológica Barakaldo. Investigación y divulgación de la micologia.
- ↑ Tarzetta cupularis: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q976905
Multimedia: Tarzetta cupularis / Q976905