Tricholoma stiparophyllum
| Tricholoma stiparophyllum | |
|---|---|
_P._Karst_221484.jpg) | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Tricholoma |
| Espeziea | Tricholoma stiparophyllum P.Karst., 1879 |
| Banaketa mapa | |
 | |
Tricholoma stiparophyllum Tricholomataceae familiako onddo espezie bat da.[1] Ez da jangarria, zapore mikatza duelako, hesteetako arazoak ere eragin ditzake.
Sinonimoa: Tricholoma lascivum, Tricholoma pseudoalbum.
Deskribapena[aldatu | aldatu iturburu kodea]
Kapela: 5 eta 10 cm bitarteko diametrokoa, haragitsua, zurruna, hauskorra, ganbil-laua, titi pixka batekin, lehenengo ertza beherantz biribilduta eta sarritan saihets antzekoekin; zuria gero hori zikin kolorekoa edo hur-zurbil kolorekoa; opakua, lehorra.
Orriak: Estu, zurrunak, erregularki antolatuta eta orritxoekin, gogor helduta, kapelatik bereizgarriak, zurixka-hori kolorekoak, ertza inoiz herdoil kolorez zikindua.
Hanka: 6 eta 9 cm bitarteko garaierakoa eta 1 eta 1,5 cm bitarteko lodierakoa, zurruna, hauskorra, oinarri mehetuarekin, zuria horixkaz edo arrexkaz lausotua, opakua, flokoso-pikortsua goiko aldean; betea.
Haragia: Zurbila, Tricholoma sulphureum delakoak duen antzeko usain handikoa, zapore mikatza, geroago akre-mina.[2]
Etimologia: Tricholoma hitza grekotik dator, ilea, txirikorda, lumatxarekin tolesturan zehar, nahiz eta espezie gutxi batzuek baino ez dituzten iledun kapelak.
Jangarritasuna[aldatu | aldatu iturburu kodea]
Ez da jangarria, zapore txarra du,[3]
Nahasketa arriskua[aldatu | aldatu iturburu kodea]
Tricholoma album-en antza baino gehiago du Tricholoma sulphurescens-ena, hauek orriak zabalago izaten dituzte eta oina apaindua eta haragiaren horirako joera antzekoa dute.
Sasoia eta lekua[aldatu | aldatu iturburu kodea]
Udazkenean. Hostozabalen baso hezeetan (haritza, pagoa, urkia); ez da agertzen koniferoen basoetan. Urria.
Banaketa eremua[aldatu | aldatu iturburu kodea]
Kanada, Alaska, Europa, Errusia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 150 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 257 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Tricholoma stiparophyllum: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q15095332
Multimedia: Tricholoma stiparophyllum / Q15095332