Arrhenia obscurata
| Arrhenia obscurata | |
|---|---|
_Redhead,_Lutzoni,_Moncalvo_%26_Vilgalys_228561_crop.jpg) | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Arrhenia |
| Espeziea | Arrhenia obscurata |
Arrhemia obscurata Tricholomataceae familiako onddo espezie bat da.[1] Haragi oso gutxi du eta jangarritasuna ezezaguna da.
Sinonimoa: Omphalina obscurata.
Deskribapena[aldatu | aldatu iturburu kodea]
Kapela: Oso tamaina txikikoa, 0,5 eta 1,5 cm bitarteko diametrokoa, ganbila, inbutu formakoa (omphalina = zilbor txiki bat), lehenengo biribilkatutako ertza, gero inkurbatua, baina ildaskatua. Azal leuna, lehorrean satinatua eta distiratsua hezetasunarekin, gardenduaz. Kolore bakarrekoa, arre iluna lila antzeko tinduekin.
Orriak: Oso dekurrenteak, zabal, lodiak, kapelaren kolorekoak, zahartzean ertz belzkara izaten dute.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Kurbatua, pixka bat loditua oinarrian, hau ere kapelaren kolorekoa.
Haragia: Gutxi, lila zikin kolorekoa, usaingabea eta zaporegabea.[2]
Etimologia: Omphalina terminoa grekotik dator, zilbor txiki, esan nahi duen "omphalos" hitzetik.
Jangarritasuna[aldatu | aldatu iturburu kodea]
Ez du balio sukaldaritzarako.[3]
Nahasketa arriskua[aldatu | aldatu iturburu kodea]
Ez da erraza nahastea. Hurbilen dagoena Omphalina pyxidata da, hau marroi-gorrixka kolorekoa da.
Sasoia eta lekua[aldatu | aldatu iturburu kodea]
Udazkenean, bakarrik edo talde txikitan. Maiz, inor ez da konturatzen, kolore iluna eta tamaina oso txikia duelako. Larreetan, eremu irekietan. Lurzoru hareatsuetan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Alaska, Europa, Svalbard, Errusia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 128 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Arrhenia obscurata: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q10509885
Multimedia: Arrhenia obscurata / Q10509885