Coriolopsis gallica
| Coriolopsis gallica | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Coriolopsis |
| Espeziea | Coriolopsis gallica Ryvarden, 1973 |
| Basionimoa | Polyporus gallicus |
Coriolopsis gallica Polyporaceae familiako onddo espezie bat da.[1]
Sinonimoak: Trametes hispida, Funalia gallica, Poria vulgaris.
Deskribapena
[aldatu | aldatu iturburu kodea]Kapela: 5 eta 10 cm bitarteko diametrokoa, zabaldua egoten da edo pixka bat ganbila, marroi-arrosa kolorekoa, ertz mehearekin eta kolore argiagoarekin. Gainazal dena hispidoa da, alegia, tomentutsu eta hirtsutu arteko ilez estalita dago, marroi-lehoi kolorekoak.
Tutuak: Barrualdetik pruina zuri-grisaxka koloreko batez estalita daude eta askoz txikiagoak dira kapelaren ertzetik gertu.
Poroak: Hasieran biribilduak eta gero angelutsu samarrak, zurixkak eta gero marroi-grisaxkak, igurtziagatik arrosa samarrak izan daitezkeenak.
Haragia: Larrukara, kanela koloretik marroi-olibarako kolorekoa.[2]
Etimologia: Trametes hitza latinezko “trama” hitzetik dator, ehun edo irun lodia, poroen itxuragatik. Hispida epitetoa latinetik dator, kapela hispidoa edo hirtsutua duelako.
Jangarritasuna
[aldatu | aldatu iturburu kodea]Ez da jangarria.
Nahasketa arriskua
[aldatu | aldatu iturburu kodea]Trametes trogii poliformearen formetako baten oso antzekoa da, baina kapelaren ertza meheagoa du eta tutuek luzera galtzen dute kapelaren ertzera hurbildu ahala. Gainera haragiaren kolorea ilunagoa du.
Sasoia eta leku
[aldatu | aldatu iturburu kodea]Urte osoan. Hostozabalen zuhaitzetan hazten da, batez ere ibaiertzetako zuhaitzetan edo ibaietatik hurbil daudenetan.
Banaketa eremua
[aldatu | aldatu iturburu kodea]Mundu osoan barreiatzen da, kontinente guztietan zehar, eta habitat ugaritan garatzen da.[3]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 405 or. ISBN 84-505-1806-7..
- ↑ Coriolopsis gallica: GBIF—the Global Biodiversity Information Facility.
Kanpo estekak
[aldatu | aldatu iturburu kodea]
Datuak: Q3915793
Multimedia: Coriolopsis gallica / Q3915793