Cortinarius bivelus
| Cortinarius bivelus | |
|---|---|
.jpg) | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius bivelus Fr., 1838 |
Cortinarius bivelus Cortinariaceae familiako onddo espezie bat da.[1]
Deskribapena[aldatu | aldatu iturburu kodea]
Kapela: 80 mm arteko diametrokoa, kanpai itxurakotik ganbilera, azkenik lau-ganbila; ertza biribildua, mehea, batzuetan errezel orokorreko hondakin zurixkekin. Kapelaren gainazala bereizgarria, lodia eta irmoa, distiratsua, higrofanoa, berezko fibrilekin, ertzerantz zetatsua; marroi-hori-gorrixka kolorekoa, lehoi-adreilu kolorekoa.
Orriak: Es oso estu, desberdinak, lamelula ugarirekin, zabalak, mehetu adnatuak, ertz zorrotzak, osoak, zurixkak, gero kolore berekoak; hori-okre antzeko koloretik arre-kanelara doan kolorekoak.
Hanka: 80 mm arteko garaierakoa eta 15 mm arteko diametrokoa, klabiformea baina oso erraboilduna (30 mm artekoa), betea, lehorra, fibrilosoa; zuria, okre antzeko kolorez zikintzen da; mintzezko eraztunarekin, iheskorra; gortina zuria, ugaria, iraunkorra ertzean.
Haragia: Lodia, irmoa, zahartzean harroa, zurixka, arre-burdin kolorekoa erraboilean; kanfor usainarekin eta zapore gozoarekin. Erreakzio kimikoak: KOH, marroi-beltza azkar haragian, gorri iluna oinean; NH3, beltza berehala haragian.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Cortinarius Privignoides edo Cortinarius duracinus taldeko beste espezie batzuekin nahasteko erraza.
Sasoia eta lekua[aldatu | aldatu iturburu kodea]
Udan eta udazkenean. Hostozabalen azpian (Fagus, Betula, Quercus) eta koniferoen azpian (Pinus, Abies), lur azidoetan. Urria.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Alaska, Islandia, Europa, Kaukasia, Errusia, Himalaiako eremua.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Sociedad micológica Barakaldo. Investigación y divulgación de la micologia, 2023.
- ↑ (Gaztelaniaz) Velazquez Vergara José Ignacio, Suarez Gil Angela. (2009). Catalogo micológico. Banco de setas.
- ↑ Cortinarius bivelus: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q4347247
Multimedia: Cortinarius bivelus / Q4347247