Galerina sphagnorum
| Galerina sphagnorum | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Hymenogastraceae |
| Generoa | Galerina |
| Espeziea | Galerina sphagnorum Kühner, 1935 |
Galerina sphagnorum Hymenogastraceae familiako onddo espezie bat da.[1] Toxikoa izan daiteke, genero osoa bezala.
Sinonimoa: Galerina sphagnum.
Deskribapena[aldatu | aldatu iturburu kodea]
Kapela: 1 eta 2,5 cm bitarteko diametrokoa, koniko-kanpai itxurakotik hemisferikora, ertz ildaskatuak, erdigune loditua. Kapelaren azala higrofanoa, lehorra, ilerik gabea, hori-okre kolorekoa, edo marroi-urre kolorekoa, gaztetan fibrila zurixkekin.
Orriak: Koska batez adnatu-dekurrenteak, zuri-hori kolorekoak, espora-jalkinaren ondoren marroi-okre kolorekoak bihurtzen dira.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Oso luzea, 5 eta 7,5 cm bitarteko garaietakoa, lehorra, ez oso iletsua, elastikoa, kapelaren azalaren kolorekoa, baina oinarri ilunagoarekin. Oinarriko mizelioa zuria. Gutxi ikusten den eraztun eremuarekin.
Haragia: Arre kolorekoa, ez da kolorez aldatzen ebakitzean, usaingabea. Espora-jalkina marroi-herdoil kolorekoa.[2]
Etimologia: Galerina terminoa, galeraren txikigarria da, latinezko "galerus" delakoarena. Galerina hitzak, kupula gisa erabiltzen den larruzko burukoa esan nahi du. Kapelaren formagatik. Sphagnum epitetoak, goroldiotan esan nahi du.
Jangarritasuna[aldatu | aldatu iturburu kodea]
Zalantzazko jangarria. Toxikoa izan daiteke.[3]
Nahasketa arriskua[aldatu | aldatu iturburu kodea]
Atkinsoniana aldaera tipoa, habitat gehiagotan hazten da: zelai goroldiotsuetan, likena dagoen koniferoen eta Picea basoetako zur usteletan, lurzoru hareatsu, lehor eta azidoetako hostogalkorretan etab.
Sasoia eta lekua[aldatu | aldatu iturburu kodea]
Udan (uztailean batez ere). Sphagnum generoko goroldioetan, zohikaztegietan, zingiretan. Mendi garaietan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Groenlandia, Europa, Errusia, Islandia, Svalbard, Japonia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 248 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Galerina sphagnorum: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q4132375
Multimedia: Galerina sphagnorum / Q4132375