Kanpaitxo arrosa

Wikipedia, Entziklopedia askea
Mycena rosea» orritik birbideratua)
Kanpaitxo arrosa
Mycena rosea, Rosy Bonnet, UKB.jpg
Sailkapen zientifikoa
ErreinuaFungi
KlaseaAgaricomycetes
OrdenaAgaricales
FamiliaMycenaceae
GeneroaMycena
Espeziea Mycena rosea
Gramberg, 1912
Mikologia
Gills icon.png 
orriak himenioan
Conical cap icon.svg 
kono-formako txapela
Adnate gills icon2.svg 
himenioa adnatua da
Bare stipe icon.png 
hanka biluzik dago
White spore print icon.png 
espora zuriak dauzka
Saprotrophic ecology icon.png 
saprobioa da

Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Kanpaitxo arrosa (Mycena rosea) Mycenaceae familiako onddo espezie bat da.[1]

Muskarina du, eta, kontsumitzen denetik 3-4 ordura, sindrome Muskarinikoa sortzen du, afekzio gastroenterokolitiko eta neurotropiko larriak sortzen ditu. Mycena rosea, Mycena pura delakoaren oso hurbil dagoen espezie bat da, eta autore batzuentzat espezie bera da.

Deskribapena[aldatu | aldatu iturburu kodea]

Kapela: 2 eta 5 (6) cm arteko diametrokoa, koniko-kanpai itxurakotik lau-ganbilera eta titi kamuts batekin. Ertza lautik kurbatura, ildaskatua eta zertxobait zurbildua eguraldi lehorrarekin. Azala higrofanoa, matea, leuna, batzuetan erradialki zimurtsua eta ildaskatua gardentasunagatik eguraldi hezearekin. Arrosakara, baina erdialdea eta ertza argiagoak ditu.

Orriak: Estu samar, zabalak, bihurgunetsuetatik itsatsietara, eta tartean orritxoekin; zurixketatik arrosa ahulera eta ertza kolore berdinekoa.

Hanka: 3 - 7 (10) x 0,2 - 0,5 (0,6) cm-koa, hauskorra, barnehutsa, leuna, luzetara fibrilosoa, zilindrikoa eta oinarri subglobosoa du; zurixka eta erreflexu arrosarekin.

Haragia: Mehea, hauskorra, zurixka; patata azalen edo errefauaren usain bereizgarriarekin, eta errefauaren zapore ahul batekin.

Etimologia:

Toxikotasuna[aldatu | aldatu iturburu kodea]

Toxikoa. Arazo neurologikoak sortzen ditu.[2]

Nahasketa arriskua[aldatu | aldatu iturburu kodea]

Mycena pura delakoarekin nahas daiteke eta baita Mycena roseoviolacea espeziarekin ere, honek arrosa ilun koloreko kapela du eta oina ere kolore berekoa.[3]

Sasoia eta lekua[aldatu | aldatu iturburu kodea]

Kanpaitxo arrosa goitik ikusita
Kanpaitxo arrosa albotik ikusita

Koniferoen eta hostozabalen humusean hazten da.

Banaketa eremua[aldatu | aldatu iturburu kodea]

Europa, AEB, Kanada, Errusia, Japonia, Bolivia, Hegoafrika, Kazakhstan.

Erreferentzia[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Zuzendaria Fernando Pedro Pérez, Kultura Saila, Eusko Jaurlaritza
    Bizkaiko Perretxiko eta Onddoak, 2012ko Abendua, A.D.E.V.E, Argazkiak:Fernando Pedro Pérez, Maite Legarra, Xabier Leizaola, Jon Urkijo, Nerea Aurtenetxe.
  2. (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 268 or. ISBN 978-84-617-0196-4..
  3. (Gaztelaniaz) Palazon Lozano Fernando. (2006). Setas para todos. JoseLuis Añanos Echo Editorial Pirineo, 304 or. ISBN 84-87997-86-4..

Kanpo estekak[aldatu | aldatu iturburu kodea]