Pluteus phlebophorus
| Pluteus phlebophorus | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Pluteaceae |
| Generoa | Pluteus |
| Espeziea | Pluteus phlebophorus P.Kumm., 1871 |
Pluteus phlebophorus Pluteaceae familiako onddo espezie bat da.[1] Toxikoa ez bada ere, haragiaren kalitatea hutsaren hurrengoa da: latza, zaporegabea, eta testura desatseginekoa.
Sinonimoak: Pluteus chrysophaeus var. phlebophorus, Pluteus nanus var. phlebophorus.
Deskribapena[aldatu | aldatu iturburu kodea]
Kapela: 40 mm arteko diametrokoa, hasietan esfera-erdi formakoa, koniko-kanpai itxurakoa, ondoren ganbila, azkenik zabaldua eta titi apur batekin, ertza zorrotza, nahikoa ildaskatua denbora hezean, kapelaren gainazala higrofanoa eta zimurtsua erradialki, batez ere disko aldera. Arre-marroi kolorekoa, marroi-okrea, arre-morea.
Orriak: Estu, desberdinak, libreak, lehenengo zuriak, arrosa kolorekoak helduaroan, ertz flokonoso samarra, kolore berekoa.
Orri libreak: Oinera hurbiltzen diren orriak, baina ukitzen ez diotenak.
Hanka: 60 mm arteko garaierakoa eta 8 mm arteko lodietakoa, zilindrikoa, oinarrirantz pixka bat loditua, betea, helduaroan barnehutsa, lehorra, haritsua, zurixka, horixka helduaroan.
Haragia: Mehea, hauskorra, zuria eta zapore nabarmenik gabea.[2]
Etimologia: Pluteus terminoa latinetik dator, hots, "pluteus" hitzetik, hau da, antzinako setio-makinatik. Zabaldutako kapela konikoaren formagatik.
Jangarritasuna[aldatu | aldatu iturburu kodea]
Interes gastronomikorik gabea.[3]
Nahasketa arriskua[aldatu | aldatu iturburu kodea]
Beste genero batzuekin batera bizi da: Pholiota, Mycena, Hypholoma. Antzeko beste Pluteus batzuk ere badaude, hala nola Pluteus cervinus, Pluteus atricapillus eta Pluteus plautus.[4]
Sasoia eta lekua[aldatu | aldatu iturburu kodea]
Udan eta udazkenean. Hostozabalen egur oso degradatuetan, Ez da ohikoa.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Europa, Errusia, Taiwan.[5]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 198 or. ISBN 84-282-0865-4..
- ↑ (Gaztelaniaz) Sociedad micológica Barakaldo. Investigación y divulgación de la micologia.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Pluteus phlebophorus: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q4365926
Multimedia: Pluteus phlebophorus / Q4365926