Russula amethystina
Russula amethystina | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Russulales | |||||||||||||||||||||||||||
Familia | Russulaceae | |||||||||||||||||||||||||||
Generoa | Russula | |||||||||||||||||||||||||||
Espeziea | Russula amethystina Quél., 1898 | |||||||||||||||||||||||||||
Mikologia | ||||||||||||||||||||||||||||
|
Russula amethystina Russulaceae familiako onddo espezie bat da.[1]
Deskribapena[aldatu | aldatu iturburu kodea]
Kapela: 5 et 12 cm bitarteko diametrokoa, ganbila, laster zabaldua eta erdialdea deprimitua. Ertza inkurbatua, kamutsa, ildaskatu samarra. Kapelaren azala ia guztiz bereizgarria, likatsua eta distiratsua eguraldi hezean, gero lehorra eta matea, pruinaduna, more-amatista kolorekoa, arrosa eta arrexka koloreko tonuekin, krema-horixkaz koloregabetutako eremu zabalekin.
Orriak: Ez oso estu, ia berdinak, elkarren arteko zainekin, gutxi urkilatuak, zabalak, libreak eta txertatzean biribilduak, ertzean kamutsak, krema-hori kolorekoak. Ertza osoa, aldeak baino zurbilagoa.
Orri libreak: Oinera hurbiltzen diren orriak, baina ukitzen ez diotenak.
Hanka: 8 cm arteko garaierakoa eta 2 cm arteko diametrokoa, orrien azpian pixka bat loditua, laster barnehuts-muinduna, pruinaduna eta zimur finekin, zuria, arrexka kolorerako joerarekin zahartzean.
Haragia: Ez oso lodia, hauskorra, zuria, iodoformoaren usain ahularekin eta zapore gozoarekin, baina ez oso nabaria.[2]
Etimologia: Latinetik dator Russula hitza, russus-etik, gorriaren txikigarritik: apur bat gorrixka, kolore gorria dutelako Russula generoko espezie askok. Amethystina epitetoa grezieratik dator, amatista, harribitxi morea, esan nahi duen “amethystis” hitzetik. Bere koloreagatik.
Jangarritasuna[aldatu | aldatu iturburu kodea]
Interes gastronomikorik gabea, iodoformoaren usaina duelako.[3]
Nahasketa arriskua[aldatu | aldatu iturburu kodea]
Russula turci oso antzekoa da. Esporek soilik bereizten dituzte garbi.
Sasoia eta lekua[aldatu | aldatu iturburu kodea]
Mendiko koniferoen azpian.
Banaketa eremua[aldatu | aldatu iturburu kodea]
Kanada, Alaska, Ameriketako Estatu Batuak, Brasil, Europa, Errusia, Kanariak, Maroko, Kaukasia, Himalaiako eremua, Txina, Taiwan, Japonia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 131 or. ISBN 84-505-1806-7..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 331 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Russula amethystina: GBIF—the Global Biodiversity Information Facility.